Judas i

Dos Sulat ni

JUDAS

Unna nod Bosan

Dos mid sulat ka‑ay’n libru, si Judas no sokkad taddot mgo uripon to Monama. Konna ini iddos Judas no id boligya ki Disas, ko konna, inin Judas, suwod ni Santiago no suwod mandad ni Disas diyon to inoy.

Iyon dontulon ka‑ay’n sulat, idda en so kodposampot tod pompomakoy, no ko‑ilangan nod ooyyaran dan kos kandan no kopomakoy, oyyos duwon mgo uhus woy’d pokodora‑at no mgo nonaw no id pomon da en diyot daom to od lolivuung nod pompomakoy. De‑en id inniyat din sikandan no od lohinatan dan iddos bonnaan nonaw, su amoy dii idda od kovovaawan.

Na, iddos mgo minuvu nod nonaw to konna bonnaa, oray sikandan nod poratasdatas woy waa allak dan to Monama. Od puung dan to langun no kororattan, woy od pongokoy ran to duma no od lonug to morat no pinuungan dan.

Purisu id pomonduwan ni Judas iddos od pompomakoy, no ko‑ilangan nod poriyu ran pomon taddon mgo minuvu, su amoy dii ran od kopiyod. Ko‑ilangan mandad nod tavang sikandan to mgo duma ran amoy’d mosalig kos kandan no kopomakoy, woy od poriyu sikandan pomon taddot mgo nonaw nod pokodora‑at kandan.

Dos mgo Nokota‑aw:

Kodpokilaa (1‑2)

Dos pomandu no ko‑ilangan nod lohinatan tod pompomakoy iddos bonnaan nonaw (3‑4)

Dos kodsilut to Monama taddot mgo mosaasaa (5‑7)

Dos kodbovotasan taddot od ponnonaw to konna bonnaa (8‑16)

Dos pomandu no ko‑ilangan nod ti‑is to kosupittan (17‑23)

Dos koddoong diyon to Monama (24‑25)