Kalata gwa Paʉli kwa
Tiiti
Ɨsyakʉlongosya
Tiiti aalɨ Ngiliki ʉjʉ aalɨ Nkɨlɨsiti. Antʉʉlaga Paʉli koosa kʉno aabʉʉkaga ʉkʉlʉmbɨlɨla ɨNdʉmi ɨNunu. Pabʉngɨ Paʉli aalɨntʉmile kʉkʉlongosya ɨfipanga fya Kyala ɨfya nkiisʉ ɨkya mu Kileti.
Mwa kalata ʉjʉ, Paʉli ikʉmmbʉʉla Tiiti ʉkʉbasala abandʉ aba balɨ na kajɨɨlo akanunu ʉkʉlongosya ɨfipanga fya Kyala. Kangɨ ikʉbabʉʉla muno bikʉlondeligwa ʉkʉbamanyisya abandʉ abaa nkɨpanga kya Kyala. Aba balɨ mfibugutɨla ɨfya lʉko lwingi, bo ɨkɨbugutɨla kya banyambala abakangale, abakiikʉlʉ abakangale, abalʉmyana na batʉmwa. Kʉmmalɨɨkɨsyo ikʉnkʉmbʉsya Tiiti ʉkʉtɨ aBakɨlɨsiti boosa bajege nʉ lʉtengaano kangɨ bajege booloolo. Balɨngajaga nʉ bʉlʉgʉ nʉ lʉkaani, kangɨ balɨngatapʉkanaga.
Ɨsi silimo mwa kalata ʉjʉ
Paʉli ikʉmponia Tiiti 1:1-4
Ɨmbombo ɨjaa Tiiti ɨjaa kʉjɨlwɨla ɨNdʉmi ɨNunu nʉ kʉsipɨnga ɨmanyisyo ɨsya bʉtʉngʉlʉ 1:5-16
Ɨmanyisyo ɨsya bandʉ abaa lʉko loosa 2:1-15
Ikʉnkʉmbʉsya ɨsya bʉpoki ʉbʉkʉlʉmba, nɨ sya kʉmalɨɨkɨsya 3:1-15