Kyala jo Malafyale
93
ɄNTWA jo Malafyale, afwele ʉbʉsisya,afwele ʉbʉkʉlʉmba na maka,
ɨkiisʉ kɨbɨɨkiigwe kanunu, kɨtikʉjʉngaanika.
2 Ɨkɨkota kyako ɨkya bʉtwa kɨlɨ kanunu ʉkʉfuma liijolo,
ʉgwe ʉliko bwila na bwila.
3 Gwe NTWA, ɨnyanja syobiile,
ɨnyanja siinwile iisyʉ lyake,
ɨnyanja syobiile fiijo.
4 Gwe NTWA gwa kʉmwanya, ʉgwe ʉlɨ nkʉlʉmba,
ʉkʉkɨnda ʉkoobela kwa mɨɨsi amingi,
ʉkʉkɨnda amajɨga gaa nyanja ɨjɨ jɨsambwike.
5 Gwe NTWA, ɨsi ʉlagiile sitikwandʉkamo sikʉ,
ɨnyumba jaako nyiikemo bwila na bwila.