मॅथि 27

जाहा वेगीई उवी ताहा प्रधान याजकाहा आना माहाआ डाये मिलित यीशु हु माईत टाकीलाआ होमच्यु 2 तिये त्याहा बाधित पिलात सुभेदार याआ आथोमेहे होपित आपिलू 3 जेव्हा त्याहा तोईत आपनाऱ्या यहुदाने पालील्यो का तो दोषी नाहा फासाड़ी तो पस्ताव्यु आना ते तीस सांदीई शिक्के मुख्य याजक आना आबहू याहा त्याही फासी लेतआवल्यो 4 आना कोल्यो,'' आय निर्दोष जीवोहो तोईत आपित पाप कोल्यु होय !'' ते कोल्यो ,'' त्याआ आमुहू नाहाकोत? तो पालीत ले '' 5 फासाड़ी तिये ते शिक्के मंदीराम टाकीत आपिलू आना निहित गोल्यो, आना जात आपाआ खुद : ला फासी लेदि 6 मुख्य याजकावाही ते शिक्के घेऊन कोल्यो ,'' दानकोशात मेकिलो हाजो नाहा, काहाके ओ रक्ताआ मोल होय 7 आखरी ते फूस कोईत तियाअ हिकिलो उपऱ्याना पुराविकोता कुंभाराहा खेत वेसातो लेधलो 8 यामुळे ते खेत आज पर्यंत रक्ताआ खेत कोल्यो जाहो 9 तेहालाम जे वचन यीर्मया संदेष्टाआ व्दारे कोल्यो ओते ते पुरो उवे:'' तिये ते तीस शिक्के म्हणजे ते ठेरविल्ये मोल (ज्याहा इस्राएलाओ कुलोमरोत केताहा ठेरवीही ओते ) घेऊन लेधलो, 10 आना जीही परमेश्वराआ माहु आज्ञा आप्यी ओती तेहलूज तियाअ कुंभाराआ खेताहा मोल माय आप्यी ओती 11 जेव्हा येशू सुभेदाराआ आगाडी उबु ओतु तेहालाम सुभेदाराही त्याहा फ़ुस्ल्याआ,'' नाहाकोत तू यहुदियाचा राजा होय ? येशू त्याहा कोल्यो तू खुद कोल्यो होय ' 12 जेव्हा मुख्य याजक आना आबहू त्याआपो दोष लागाडीत ओते तेहालाम तिये नाहाकोत उत्तर आपिलू नाहा 13 यापोरोत पिलातावांही त्याहा कोल्यो, “नाहाकोत तुमु नाहा उनाईत का ओ तुमाआ विरूध केतो झुटी साक्ष आपित होय ? 14 परंतु तिये त्याहा एकभी गोठीही उत्तर नाहा आपिलू, ईहि पर्यंत का सुभेदाराहा जाअखो आश्यर्य वाटेम 15 सुभेदाराआ ए रीत ओती के तियाअ सनात माआहुकोअता कोडोबीही एक बंदिवनाला त्याहा जे ओळखीतल्यो ओते , सोडीत आपित ओते 16 तियाअ टायमोमें त्याआ इही बरब्बा नावाआ एक मानितले बाधितमेक्ल्यो ओतु 17 आखरी जेव्हा ते एकठे उवे, ताहा पिलातावांही त्याहा कोल्यो,'' तुमु कोडाआ जाआत्ले का आय तुमाआ याकोअता सोडीत आपुहू? बरब्बाहा , पोन येशुहू जो ख्रिस्त कोल्यू होय ?'' 18 काहाके येशुहू हेवाकोइत तोईत आपिलू ते त्याहा मालूमे ओते 19 जेव्हा तो न्यायासणापो बोह्ये ओते ताहा त्याआ बयोहोस त्याहा खोबोर मोकल्यु,'' तू तियाअ नितीमानाचआ बाबतीम आपु पोडहू नाये, काहाके आय आज होपनाआ त्याआ पोऱ्ये जाअखो यातना सोसल्या'' 20 मुख्य याजक आना आबहू यांहि माहुंहु मोन वळविले ते बरब्बाहा मागित लेदलेए, आना यीशु नाश कोईओलो 21 सुभेदारानी त्याहा फ़ुस्ल्याआ,'' आव दिहोम कोडाआ जाआत्ले का आय तुम्हाकोअता सोडीत आपुहू?'' ते कोल्यो ,'' बरब्बाहा 22 पिलातावांही त्याहा फ़ुस्ल्याआ,'' फासी येशुहू जो ख्रिस्त कोअहो जात्लू, नाहाकोत कोहू ?'' आखाज त्याहा कोल्यो,' त्याहा वधस्तभावर खिलून टाका!'' 23 सुभेदाराही कोल्यो,'' काहा, त्याआ नाहाकोत वाईट कोल्यु होय ? पण ते फासी आयडीत- आयडीत कोहू लागाडीत ,'' त्याहा वधस्तभावर खिलून टाका'' 24 जेव्हा पिलातावांही पाल्लये का किबी फरक नाहा पोडीत होय पण त्याआ उलटो तंटा वोद्तो चालेहे होय , तेहालाम तिये पाई घेऊन गोर्दी आगाडी आपाआ आथे तुण्यो आना कोल्यो,'' आय आव नीतीमानाआ रक्ताआ निर्दोष होय ; तुमाआ तुमुज पाला'' 25 आखे माहु उत्तर आपिलू,'' त्याआ रक्त आमापो आना आम्हा पोऱ्या होय'' 26 याआ वरून तिये बरब्बाहा त्याकोअता सोडीत आपिलू, आना येशुहू फटके माईत त्याआ होपित कोल्यु का वधस्तभावर खिलून टाका 27 तेहालाम सुभेदाराही शिपायाआ येशुहू वाडामे घेऊन जात आखी तुकडी त्याआ चारू त्याही जोमाड्यो 28 आना त्याआ आगडे उतरित त्याहा लाल रंगाआ किरमिजी झगा ह्गाटला, 29 आना काटाआ मुकुट गुतीत त्याआ मुंडकापो मेकअलू , आना त्याआ हाजला आथोमेहे वेत आप्यू आना त्याआ आगाडी टोसणे टेक्यू त्याआ थट्टा कोअयी आना कोल्यो,'' ओ याहुदिया राजा , नमस्कार 30 आना त्याआपो थूप्ये; आना तोज वेत घेऊन त्याआ मुंडकापो माआहि लागाडीत 31 जाहा ते त्याआ थट्टा कोहिताहा तिया झगा त्याआ दिलोमेरोत काढीत फासी त्याआज आगडे त्याहा काल्ये, आना वधस्तभावर खिलीलाकोअता घेऊन गोये 32 बारथे जात ओयताहा त्याहा शिमोन नावाआ एक कुरनेकर मांहु मिल्यू त्याहा तिये तिया वधस्तंभ वाहण्या कोअता वेठीस तोने 33 त्या जाग्तली जो गुलगुथा म्हणजे कवटीई जागू इंही आविलो पोच्योता 34 तिये त्याहा पित्तमिश्रीत द्राक्षरस पिहीलेपोत आप्यू ,' परंतु तो साखीत देखल्यापो तो पिईनाहा 35 त्याहा वधस्तभावर खिल्योतांहा' तिये चिठ्या टाकीत त्याआ वस्र्ते वाटीत लेदि ' 36 आना तीइही बोहित त्याआ राखावली कोअला लागाडीत 37 आना तिया दोषारोपाचा लेख तिया मुंडकापो लागाड्यू, का ओ याहुद्याचा राजा येशू होय ” 38 तेह्लाम त्याआरी बेन बाड एक हाजावोगे आना एक डावासाईटोहो, वधस्तभावर खिळले गोये 39 आवणारे जाणारे मुंडको हालवून- आलाडीते त्याआ निंदा कोईत ओते 40 आना ओ कोल्यो ओते का, “अरे, मंदिर तोडीत टाकणारे आना तीन दिहोम बादिलो, आपाआ स्वतःहा ताहा वाचाड! जर तू देवाआ पुत्र होय , ताहा वधस्तंभावरुन उतरित आव ” 41 आव रीतीवाही मुख्य याजक पण शास्त्री आना आबहू ह्यांच्याबरोबरीने थट्टा कोईत- कोईत कोयो ओते , 42 "तिये बिहराहा वासाडये, आना आपाआ स्वतःहा नाहा वाचाआडयो शकतहा ताहा इस्त्राएलाआ राजा होय ओमे वधस्तंभावरुन उतरित आवयू ताहा आमुहू त्याआपो विश्वास मेकही 43 तो देवापो भोरोसा मेकोहो; ताहा तो त्याहा होवा होय , ताहा ओमे त्याहा सोडवीत ले , काहाके तिये कोल्यो ओते ,' आय देवाआ पुत्र होय ' 44 त्यापोरोत बाड पण जे त्याहापोरोत वधस्तभावर खिळले गोये ओते , त्याआ निंदा कोईत ओते 45 दिह पोरोत तिसऱ्या पहरीरोत तियाअ आखे त्याहा आंधार पोडीत 46 सुमारे नवव्या टाईमोओ येशूने वोडा आवाजोमें अआडीत कोल्यो , एली- एली सबखुथनी '' म्हणजे ओ माआ देवा , ओ माआ देवा , तू माहु काहा सोडये?'' 47 जे तीइही उभे ओते , त्यामोरोत केतेहेजोये ओ उनाईत कोल्यो ,'' ओ ताहा एलीयाहा आवाज मोतुलो'' 48 तियाअ मायारोत एक जोओ वेगु गुगदिलो, आना स्पंज लेत आंबेत बुडावल्यो, आना बोरुच्या टोकोहपे मेकीत त्याहा चाखाछाकोता आप्यू 49 किबी जानोतांहि कोल्यो , "असू आप , एलिया त्याहा वाचाडीहू आवत्लू का नाहा'' 50 तोयों येशूने फासी वोडा आवाजोमें आयडीत जीव सोडयु 51 फासी पाला मंदीराआ पद्डू उपो पोरोत ते निसे पर्यंत फटीत तुकडे उवे: आना भूमि काढीलो आना खोड्को फुट्योहो, 52 आना कब्रे उगडाव्यी, आना हुवतले पवित्र महुअ खूप डीले जीवतो उठी, 53 आना त्याआ पुनरुत्थाना फासाड़ी ते कब्रे मायारोत निहित पवित्र नगरामे गोये आना बिहीराबी देखायो 54 तोयों शताधीपती आना त्याआ बोरोबर पाहरा कोईत ओते , भूकंप आना जे किबी उवे ओते ते पालहु जास्तीज घाबरील्यो गोये ओते आना कोल्यो , "खरोज ओ देवाआ पुत्र ओतु!'' 55 तीही खूप बोई तियाअ गालीलोमरोत येशुऊ सेवा कोईत त्याआ आरी आव्या कोल्यू 56 त्या माय मरिया मग्दालिया, आना याकोब आना योसेफ यांआ आयहि मरिया, आना जब्दीच्या पोऱ्याआ आयहि ओती 57 कोईत हांजेपो उवेताहा योसेफ नावाआ अरीमथाईमेरया एक धनवान मांहु जो आपाआ ए यीशु शिष्य ओतु, आवयू 58 त्याने पिलाताही जात येशूचे डील माग्ये यापोरोत पिलातावांही आपिली आज्ञा कोअयी 59 योसेफाहा डील लेधलो, त्याहा साप वस्त्रात गुडाळेहे, 60 आना त्याहा आपाआ नव्यो कब्रेचए बनापो वोडू डोण्यू लटकीत निहित गोये 61 मरीया मग्दालिया आना बिहरि मरिया तीइही कब्रे जागे बोही ओती 62 साहा बिहीरा तेदीही जो तीयारी फासाड़ी चा दीही ओतु, मुख्य याजक आना परुसी पिलाताही टोलु कोल्यो , 63 साहा “ओ महाराज, आमुहू ओर होय का तियाअ पुलविनाराही जेव्हा तो जिवंत ओतु, कोल्यो ओते ' आय तीन दिहोनंतर उठ्णारू' 64 सेवटे: आज्ञा आप्यी का तिसऱ्या दिहेजा कब्रेची पाहानारू कोअयी गोयी, होय न ओवो का त्याआ शिष्य आविलो त्याहा चोरीते घेऊन जानारू तेहालाम फासाई धोखा पेल्ल्यापोरोत वाईट उवे” 65 पिलाताए त्याहा कोल्यो , "तुमाही राखोन ताहा होय जा, तुमावाही उवे तेह्लू होंबाला का 66 आखिर: ते राखोन आरी गोये , आना दोणोपो शिक्का लागाडीत बरेचा होंबाला कोल्योओ.