26
जाहा यीशु ऐ आखी गोठ कोत चुक्यु ते त्याआ चेलाहा कोहू लाग्यु 2 तुम्हामे मोलुम होय का बेन दिहायापासाडी वल्हाडन तिवार आवीत होय आना माअहा पुत्र क्रूसापो सोड्विलाकोअताa तोईत आप्यू जानारू 3 तेहालाम मुख्य याजक आना माहा आबहू प्रमुख याजाकाआ कोआ एकटा, प्रमुख याजाकाअ नाव कायफा ओते 4 आना तिये आपसामेहे येशुहू गुपचुप तोईत माईत टाकिलाआ कट रर्च्योहो 5 पण ते कोओलो आखाआ टायमोमें नाहा का एहलो उवूंहू नाहा का माहुंमे गडबड ओतगोल्यु जाइअलो 6 जेव्हा येशु बैथानी शिमोन कोढी च्या कोअमे ओतु 7 तेहालाम एक बाय संगम खोराआ बासनाम बहुमूल्य तेल घेऊन येशुआरी आवयी आना जेव्हा ते रोटू कोईलाकाजे बोह्ये, तेहालाम त्याआ मुंडकापो तीही ओतीत आपिलू 8 पण शिष्यांनी ओ पालीत रागावीत गोये कोहू लागाडीत , ओ काहा नाश कोल्यु? 9 आव तेलुहू जाखो किमती वेसेत गोरब्योहो रुपये आपुहू शकत ओते 10 ओ होमजीत येशूने त्याहा कोल्यो, तुमु आव बोयिंही काहा त्रास आपत्ले? नाहाकोत आव याकोअता का तीही माकोअता हाजो कोल्यु होय ? 11 गरीब ताहा तुम्हाआरी कायम रोत्ले, पण आय तुम्हाआरी हमेशा रोही नाहा 12 जेव्हा तीही माआ डीलोपो ओ सुंगधीत तेल ओतिला ओ याकोअता ओतिला का माआ जुना टाईमोपो तीयारी तीही कोअयी 13 आय तुम्हामे खोरोज कोतलू, आखे जगात जीही का ओ संदेश आपिला आवे तीइही आव बोहीही कामाला वर्णन पण ओर कोअलाआ आवे 14 तेहालाम बारा मायारोत एक ज्याआ नाव यहुदा इस्कोर्योत ओते मुख्य याजाकाआहाने गोल्यो 15 आना तिये कोल्यो “जर आय येशुहू तुमाआ आथे तोईत आपी ताहा माहु नाहाकोत आपी?” आना तिये त्याहा सांदीई तीस सिक्के तोलीत आपिलू 16 तेहालाम त्यापोरोत तो त्याहा तोईत आपिलाकोअता योग्यवेळ होदहू लाग्यू 17 फासाड़ी शिष्य बेखमीर रोटाहा तिवाराआ पाल्या तेदीही कोईली , येशु जागे आविलो फुसुहू लागाडीत , ताहु का बेखमीर भाकर खालो तिवार पालीलाकोता तीयारी कोईली एहलो लागेहे? 18 तिये कोल्यो नगरोत तियाअ व्यक्तीई जागे जात त्याहा कोआ गुरु कोल्यो होय माआ वेल जागे होय माहु माआ शिष्याआरी बेखमीराआ तिवार पडिलो होय 19 तेहालाम येशूउ आज्ञेनुसार शिष्यांनी होणाहा तीयारी कोअयी 20 जेव्हा हांजेपो उवी तेहालाम ते बारा शिष्य येशूआरी रोटूखाहू बोह्ये 21 जेव्हा ते रोटू कोईत ओते तेहालाम तिये कोल्यो आय खोरोज कोतलू का तुमामेहेरोत एक माहु तोईत आपी 22 योपो ते जास्तीज दुखित ओतगोल्यु एक -एक जण त्याहा फुसिलो लागाडीत , प्रभू आय ताहा नाहा ने ? 23 तिये कोल्यो तो जीआ माआरी वाटकामेहे आथे टाक्यू होय तोज माहु तोईत आपी 24 माअहा पोऱ्याहा ताहा जेहलो त्याविषयी लेखिलो होय तेहलूज ऊवणारोज होय पण तिया धिकार होय ज्यावाही माअहा पोऱ्या तोईत आपिला आवे , तियाअ माहाकोअता हाजो ओते जर तिये जोनुमोज लेधलो कायनाओतो 25 तेहालाम त्याहा तोईत आपणारो म्हणजे यहुदाने कोल्यो नाहाकोत आय होय तो? तिये कोल्यो तू स्वताआ कोत आपिलू 26 जेव्हा ते रोटू कोईत ओते येशूने भाकर लेदि आना आशीर्वाद मागीत्ल्यो भाकर तोडीत शिष्यांआ आपित कोल्यो , ल्या आना खा ओ माआ डील होय 27 फासाड़ी तिये पिदो लेदो आभार महांआ आना त्याहा आपित कोल्यो तुमु आखे यामेरोते पिवा 28 काहाके ओ माआ कराराआ रक्त होय जे माहाकोअता पापाआ माफीकोता ओतिला जानारू होय 29 पण आय तुम्हामे कोतलू का द्राक्षरस ओमोरोत तियाअ दिहेजा पीही नाहा तोपोरोत आय आपाआ आबहाआ राज्याम नवो द्राक्षरस पीही नाहा 30 फासाड़ी ते गीत गावित जैतुनाआ डोगोपो सोडवीत गोये 31 तेहालाम येशूने त्याहा कोल्यो , “आज राती आखे तुमु माविषयी अडखळाल”, एहेलू शास्त्रलेख होय का आय मेंढवालो देही आना कड्पाम्रोत मेंढे तितर बितर ओतगोल्यु जानारू 32 पोन जिवंत उवेताहा आय तुमापेले गालीलमेहे जानारू 33 यापो पेत्राई कोल्यो जेबी आखे तापोजेसे अडखळीत जानारू पण आय केधीज अढखळनार नाहीत 34 येशु लेतजा कोल्यो आय खोरोज कोतलू का आजुजे राती कुकडाआ विसिलाआगाडी तू माहु तीन टायमोआ नाहाकोही 35 पेत्राई त्याहा कोल्यो जर माहु ताआरी मोईला पण लोग तेबी आय ताआ नकार कोअनारू नाहीत, आखे शिष्यांनी पण एज गोठी कोल्यी 36 तेहालाम येशु त्याआरी गेथशेमाने नावोओ जागापो आवयू आना आपाआ शिष्यांआ कोल्यो , जोपोरोत आय जीहीजानारो प्रार्थना कोअत्लू तुमु इहीजा बोहीलो 37 तिये आपाआरी पेत्र आना जब्दिई बेन पोऱ्या लेधलो आना दुखित आना मेहनती ओवुहू लाग्यू 38 फासाड़ी तिये त्याहा कोइतलु माआ मोन खिन्न होय आय मोअनारू, एवडोज खिन्न होय इहीजा थोबा आना माआरी जागतू रो 39 फासाड़ी तो थोडू आगाडी गोल्यो गुडू पोडीत प्रार्थना कोहू लाग्यू "ओ माआ आबुहू, जर होतजाई होय ताहा ओ पिदो मापोरोत निहित जाऊ आप तेबी पण माआ नाहा ताआ इच्छा पुरो ओवुहू आप 40 तेहालाम तो शिष्याआरी आवयू आना त्याहा हुवतले पालीत पेत्राहा कोल्यो नाहाकोत तुमु माआरी थोडूटायम पण जगू सेकेले नाहा? 41 जागतू रो आना प्रार्थना कोईत रो का तुमु परीक्षेमेहे पोडहू कायना आत्माआ ताहा तीयार होय पण डील दुर्बल होय 42 फासाड़ी तिये बिहीरीवेले जात एह्ली प्रार्थना कोअयी, "ओ माआ आबुहू, जर ओ पिदो पिलाशिवाय टोलोंत जात नेओय ताहा ताआ इच्छा ओवुहू आप 43 तिये फाशी फासाडी आविलो हुवतले पाल्लये काहाके त्याआ डोआं हुवितो पाअया उवे ओते 44 तो त्याहा फासी सोडीत निहित गोल्यो आना तेज गोठी कोत तिसरीवेले प्रार्थना कोहू लाग्यू 45 फासी फासाड़ी तो शिष्याआरी आविलो त्याहा कोल्यो काहा तुमु ओमेजा आराकोईत हुवीत रोल्या होय ? पाला वेल आविलो गोयी होय माअहा पुत्र पापी मांहाहा आथे तोईत आप्यू जात होय 46 उठा, चाला आना पाला तोईत आपणारो जागे आवयू होय 47 जेव्हा तो ओ कोल्यो ओतु, ताहा पाला यहुदा बारातून एक ओतु आविलो गोल्यो आना त्याआरी तलवार आना डेगाऱ्या लेद्लो एक वोडू टोळां ओतु ज्याहा मुख्य याजक आना आबहू इये मोक्ल्यीत ओते 48 तोईत आप्नारावाही त्याहा ए निशाणी आप्यी ओती, ज्याचा आय चुंबन कोअनारू तोज रोही त्याहा तोईत लेअलो 49 तो लागेज येशुआरी आविलो बोलतुल्यो ओ स्वामी नमस्कार आना त्याआ चुंबन लेधलो 50 पाच येशूने त्याहा कोल्यो दोस्ता ज्या कामाकोअता तू आवयू होय त्याहा को, तेहालाम तिये येशूउ जागे आविलो त्याहा तोईत लेधलो 51 पाच फासाड़ी पाला येशूउ होगात्याम्रोत एकाने आथे वाढवून तलवार खेचेहे आना महायाजाकाच्या नोकरापो चादालाली आना तिया कान रुकीत आप्यू 52 पाच तेहालाम येशूने त्याहा कोल्यो आपाआ तलवार म्यानोमे मेका काहाके ते आखे जे तलवार ईविशीत ते तलवारीवाही नाश ओये 53 पाच किंवा नाहाकोत तुमु फूस कोअता नाहाकोत का आय आपाआ आबहाहा विनंती कोहू शकत नाहा आना तो लागेज बारा सैन्याचा दलोमरोत सैन्यदल माआ अधीकारोम कोईत आपी 54 पाच पण तेहालाम पवित्र शास्त्र केहलु पुरो उवे का ऐहलेच उविलो जरुरी होय ? 55 तेहालाम येशूने गोर्दी कोल्यो नाहाकोत तुमु तलवार आना डेगाऱ्या घेऊन माहु तोहू आवीत होय जेहलो नाहाकोत आय कोडु डाकू होय ? आय दाडीअ मंदिरोम बोहित हिकाडतो ओतू , आना तुमु माहु तोअल्यो नाहा? 56 पाच पण ओ आखे याकोअता उवे का संदेष्टाआ वचन पुरो उवे तेहालाम आखे शिष्य त्याहा सोडीत निहित गोये 57 जिंये येशुहू तोअल्यो ओते ते त्याहा महायाजकाआगाडी घेऊन गोये , तिंही शास्त्री आना आबहू एकठे ओते 58 पेत्र पण थोडू सेटेरोत त्याआ फासाडी महायाजाकाच्या खोलीहीजा पोतीतगोयू, आना तिंही माय नाहाकोत ओते ते पालाहू पहारेकऱ्याआरी बोहित गोल्यो 59 मुख्य याजक आना आखे न्यायसभा येशूउ विरूद्धाम झुटी साक्ष मीडवीहे प्रयत्न कोईत रोल्या ज्यामुळे ते त्याहा माईत टाकही 60 साहा आना वारुज खोटो साक्षीदार आव्ये ओतोतेबी तो त्याहा मिल्यू नाहा तेबी आखरी बेन आविलो कोल्यो का , 61 साहा आव महुहू कोल्यो होय , आय परमेश्वराआ मंदिराहा पोडीत त्याहा तीन दिहोम फासी बानडह शकतो 62 साहा तेहालाम महायाजाकावाही उभे रोत त्याहा कोल्यो , “काहा तू उत्तर आपित कायनाहा” ओ मांहे ताआबद्दल नाहाकोत साक्ष आपत्ले 63 साहा पण येशु ठावकू रोला योपो महायाजाकावाही त्याहा कोल्यो , आय जिवंत देवाची शपथ आपोहो, “जर तू परमेश्वराआ पुत्र ख्रिस्त होय ताहा आमुहू कोत आप ” 64 साहा येशूने त्याहा कोल्यो , “तू स्वतः एहलो कोल्यो तेबी पण आय ताहु कोतलू का याआगाडी तुमु माअहा पोऱ्याहा आखे शक्तीमानाच्या हाजावोगे बोहीतरोल्यु आना वादलामे आवातल्या पालीलो” 65 यापो महायाजक आपाआ आगडे काढीत कोहू लाग्यू का , इये परमेश्वराआ निंदा कोअयी होय , ओमे फासी आमुहू साक्षीदाराआ नाहाकोत गोरोज होय ? पाला तुमु निंदा उनाई होय 66 ओमे तुमाआ नाहाकोत फूस होय ? तिये उत्तर आपिलू तो मोईतगोल्यू शिक्षाआ योग्य होय 67 तेहालाम तिये त्याआ सोबाडीपो थूप्ये, कोडु त्याहा मुठीवाही माअये , कोडु त्याहा चपडाक माईत कोल्यो , 68 “ऐ, ख्रिस्ता, भविष्यवाणी कोईत आमुहू कोअलो का ताहु कोडु माअये ”? 69 पेत्र खोलीम बारथे बोहू ओतु एवडाम उनाआ दासीने आविलो त्याहा कोल्यो , “तू पण गालीली येशूआरी ओतु” 70 पण तीही नाकारीत तियाअ आखे आगाडी तिये कोल्यो , “माहु समाजैल नाहा का तू नाहाकोत कोल्यो होय ” 71 तोयो तो बारथे जात आगीकोआता गोल्यो तेहालाम उनाआ बाईने त्याहा पालीत तीइही ओते त्याहा कोल्यो , “ओ माहुहू पण नासरेथ येशूआरी ओतु” 72 तेहालाम तिये शपथ खात नकार आपित फासी कोल्यो , “आय आव माहुंहु ओळखीतल्यो नाहा” 73 फासाड़ी टाईमोम जे तिंही उभे ओते ते पेत्रांआरी आविलो त्याहा कोल्यो , खरोज तू पण त्यामेरोत होय काहाके “ताआ कोली ताहु प्रकट कोअते” 74 तेहालाम शपथ खात धिक्कार कोअला लाग्यू , “आय तियाअ माहुंहु ओळखीतल्यो नाहा”, आना एतांम कुकडू आवरला, 75 तेहालाम पेत्राहा जी गोठी येशूने कोल्यी ओती ती ओर आवयी का , कुकडू आवरण्याआ आगाडी तू माहु तीन वेले नावारेहे, आना तो बारथे जात वोडू जोरेज रोडा लाग्यू.