เปโตร
บทนำ
ผู้เขียนจดหมายฉบับนี้คือ เปโตรผู้เป๋นอัครทูต เซิ่งเป๋นฉบับตี้สองตี้ต้านได้เขียนไปเถิงหมู่ผู้เจื้อหมู่เดียวกั๋นกับตี้ได้ฮับจดหมายฉบับแรก เปโตรเขียนจดหมายฉบับนี้ขึ้นก่อนปี๋ ค.ศ. 68 คงจะเป๋นต๋อนตี้เปโตรใก้จะต๋าย
หมู่ผู้เจื้อตี้ฮับจดหมายฉบับนี้อยู่ในแคว้นเอเชีย เซิ่งสมัยนี้อยู่ในประเทศตุรกี ต้านเขียนจดหมายฉบับนี้ต๋อนตี้อยู่กรุงโรม
เปโตรเขียนจดหมายฉบับนี้เปื้อเตื๋อนเรื่องก๋านสอนผิดตี้ก่ำลังเกิดขึ้นในคริสตจักรต่างๆ ผู้สอนผิดบ่หันว่าพระเยซูเป๋นองค์พระผู้เป๋นเจ้ากับสอนเรื่องตี้บ่แต๊ ตี้คนแต่งขึ้นมาเปื้อจะได้เงิน ต้านได้ตักเตื๋อนหมู่ผู้เจื้อหื้อใจ๊จีวิตอย่างบริสุทธิ์กับเป๋นตี้ยำเก๋งพระเจ้า (3:11-12) ในหว่างตี้กอยถ้าก๋านปิ๊กมาของพระเยซู ต้านได้บอกหมู่เขาว่า วันตี้องค์พระผู้เป๋นเจ้าจะปิ๊กมา ก็จะเป๋นเหมือนขโมยตี้เข้ามาต๋อนเมื่อคืน คือบ่มีใผฮู้ว่าจะมาเมื่อใด