ทิตัส
บทนำ
เปาโลเขียนจดหมายฉบับนี้เถิงทิตัสประมาณปี๋ ค.ศ. 65 ต๋อนตี้เปาโลอยู่ในเมืองนิโคบุรีในประเทศกรีก
ทิตัสเป๋นจาวกรีก เป๋นคนตี้จ้วยเปาโลบอกข่าวดีหื้อคนตี้อยู่ในเมืองโครินธ์ ต่อมาเขาได้เตียวตางไปกับเปาโลเถิงเกาะครีต กับเปาโลขอหื้อเขาอยู่ตี้หั้นต่อไปเปื้อจะได้จ้วยหมู่ผู้เจื้อตี้หั้น ต๋อนตี้ทิตัสได้ฮับจดหมายจากเปาโล เขายังอยู่ตี้เกาะครีตเซิ่งอยู่ตางใต้แผ่นดินใหญ่ของประเทศกรีก
เปาโลขอหื้อทิตัสแต่งตั้งผู้ปกครองคริสตจักรในกู้เมืองบนเกาะ แล้วเปาโลสอนเกี่ยวกับคุณสมบัติของผู้ปกครองคริสตจักร ตี้หั้นมีหมู่คนตี้ต่อต้านหลักกำสอนตี้ถูกต้องโดยสอนสิ่งตี้บ่ควรสอนหื้อกับหมู่ผู้เจื้อเปื้อเงิน เปาโลก็ขอหื้อทิตัสต่อต้านหมู่เขา กับสอนเรื่องก๋านใจ๊จีวิตของผู้เจื้อต๋ามหลักกำสอนตี้ถูกต้อง แล้วเปาโลบอกหื้อทิตัสตักเตื๋อนหื้อผู้เจื้อเอาใจ๋ใส่ในก๋านเยียะดีต่อผู้นำและคนอื่น