Bələ nii sagɩ tə, Polə nə pʋ́pʋ́nɩ́ ʋ pa
Timote
nə
Timote bələ nii sagɩ tə yuu wa sʋgʋ
Lìù tə, ʋ nə pʋ́pʋ́nɩ́ sagɩ kʋ tə
Kʋ yɩ *tʋntʋnʋ Polə nə pʋ́pʋ́nɩ́ kʋ. Máŋá tə wa, ʋ nə pʋ́pʋ́nɩ́ kʋ, də ʋ yɩ ʋ wulə bàń dìə̀ wa Romə nə. Kʋ yɩn càn zənzən kʋ pa wá. Ʋ mɩɩ ya bwələ, sə kʋ zwɛ̀, yá lìù də yà tə̀lə́, sə ʋ san ʋ nə.
Lìù tə nə, Polə nə pʋ́pʋ́nɩ́
Sagɩ kʋ yɩ bələ nii sagɩ tə, ʋ nə pʋ́pʋ́nɩ́ ʋ pa Timote nə, ʋ nə yɩ ʋ tʋtʋndon, ʋ ga swə wá zənzən.
Sagɩ tə wa sʋgʋ
Polə təntən ʋ kəni Yɩɩ lɛ̀ɛ̀ Timote yɩrɩ. Ʋ dàń swɩ̀n Timote con, sə ʋ zɩgɩ dɩ̀àn ʋ tʋn Yɩɩ tʋtʋŋɩ tə zəni də yawala, də lɩ̀à nə swə ba kəni càn ʋ nə, kʋ tʋtʋŋɩ təntə yɩrɩ. Ʋ tə swɩ̀n ʋ con, sə ʋ cɩ̀ lɩ̀à tə nə, ba nə dɩ tʋ́tʋ̀ná tə nə ba də̀ń jə, tə nə ba saŋa, sə lɩ̀à tʋn Yɩɩ tʋtʋŋɩ tə. Ʋ swɩ̀n Timote con, sə ʋ ya ndə ʋ mʋ̀ Polə yà nə yɩ nətʋ. Ʋ mɛ, sə ʋ twá cɩ́gá tə nə, sə ʋ kə ʋ waa Zwezi nə wuuu, sə ʋ sóní lɩ̀à, sə ʋ ja pɩ́nʋ́, sə ʋ dàn ká swɛ̀ɛ́ kàrà nəzəŋu tə, ba nə kàrɩ̀ wá.
Sagɩ tə yígúrə́ wa, ʋ bɩrɩ nətʋ ʋ tətə nə dí càn, də nətʋ tə Yɩɩ nə san wá.