Zwezi də Nikodɛmə viyə yoo
3
1 Bɛɛ don yà wulə *Farɩzɩan-ba wa,
ʋ yɩ *Zwifə-ba pɩ̀ʋ́,
ʋ yɩrɩ nə yɩ Nikodɛmə.
2 Dɩɩn don nə,
ʋ zàn ʋ va Zwezi con tɩtɩn nə,
ʋ swɩ̀n ʋ con,
ʋ wʋ́:
«Karnyɩna,
nə yə̀ə́ də,
n yɩ lìù tə,
Yɩɩ nə tʋn,
sə n kàrɩ̀ nəba.
Kʋ mʋ̀ nə pɩn,
n ma fwa Yɩɩ dɩ̀àn mɩmɩnan tə,
lìù mama nə wàrɩ̀ ʋ fwa,
də Yɩɩ nə tə̀lə́ də kʋ tíú.»
3 Zwezi ma le wá,
ʋ wʋ́:
«Cɩ́gá mama,
à mʋ̀ nə swɩ̀n kʋ n con:
Lìù nə wà ʋ tɩ̀àn lɩrɩ lʋrdʋn,
ʋ wàrɩ̀ Yɩɩ pàrɩ̀ tə wa lìù ʋ yanɩ.»
4 Nikodɛmə ma swɩ̀n Zwezi con,
ʋ wʋ́:
«Nətə nə lìù wá lɩrɩ ʋ tɩ̀àn lʋrdʋn,
də ʋ nə yɩ nəkwɩa>> Ʋ kʋ́ʋ̀ wàá ʋ pìí ʋ zwɩ ʋ nuu pùə́ wa,
sə ʋ lɩrɩ wá,
naaa>>»
5 Zwezi ma le wá,
ʋ wʋ́:
«Cɩ́gá mama,
à mʋ̀ nə swɩ̀n kʋ n con:
Də lìù nə wà twá də nɩ́á,
də Yɩɩ-*Siŋu tə,
ʋ ma lɩrɩ ʋ tɩ̀àn,
ʋ wàrɩ̀ Yɩɩ pàrɩ̀ tə wa,
ʋ zwɩ.
6 Lɩ̀à tə,
ba nə yɩ bɛɛ də kan nə lɩrɩ,
ba yɩ ləzwənə dwíí nə tɩ ba.
Yá lɩ̀à tə,
ba nə yɩ Yɩɩ-Siŋu tə nə lɩrɩ,
ba də yɩ Yɩɩ-Siŋu tə nə tɩ ba.
7 Dàn ká pa kʋ dɩ̀ n yuu,
də à nə swɩ̀n n con,
à wʋ́:
Á mɛ,
sə á lɩrɩ á tɩ̀àn lʋrdʋn.
8 Vʋʋ yɩ kʋ fuli bwálɩ́ tə nə,
kʋ nə swə.
N yàá nə̀ń kʋ zəzugu,
n ga yəri bwálɩ́ tə,
kʋ nə naŋa,
nə à yə̀ə́ bwálɩ́ tə,
kʋ nə vələ.
Mə kʋ yɩ nətʋ də lìù tə mama,
Yɩɩ-Siŋu tə nə lʋrɩ.»
9 Nikodɛmə dàń ma bwe Zwezi,
ʋ wʋ́:
«Nətə nə kʋ nətʋ tə wàá kʋ tʋŋa>>»
10 Zwezi ma le wá,
ʋ wʋ́:
«N yɩ karnyɩna,
n yɩrɩ nə nan *Yɩzərayɛlə wa.
N ga yəri yìə̀n tə tə>>
11 Cɩ́gá mama,
à mʋ̀ nə swɩ̀n kʋ n con:
Nə yàá swɩ̀n kʋ tə,
nə nə yə̀ə́.
Nə ga swɩ̀n nə bɩrɩ aba kʋ tə,
nə nə nɩ.
Yá á ba nə sʋgʋ joŋə.
12 Á ba cɩ́gá pɩn à sʋ̀ràn tə nə,
də à nə swɩ̀n tɩa ka tə yuu yìə̀n tə yoo á con.
Nətə nə á dàń wá pa cɩ́gá à sʋ̀ràn tə nə,
də à nə wá swɩ̀n Yɩɩ sàń yìə̀n tə yoo á con>>
13 Lìù mama tə wà Yɩɩ sàń nə dɩ̀,
də kʋ tà *Ləzwənə-Biu*f1* tə,
ʋ nə nan Yɩɩ sàń,
ʋ cú.
14 *Moyizə fwa dən*f1*,
ʋ kə yɩɩ nə daʋ yuu wa,
ʋ zɩgɩ lɩ̀à tə mama yáá con.
Mə nətʋ tətə nə ba mɛ,
sə ba zɩ̀n Ləzwənə-Biu*f1* tə də ba kə yɩɩ nə lɩ̀à mama yáá con.
15 Yá lìù tə mama,
ʋ dàń nə ken ʋ waa ʋ nə,
ʋ wá na mɩɩ tə,
kʋ nə ba zwɛ̀ Yɩɩ con.
16 Cɩ́gá,
Yɩɩ sóní lɩ̀à mama zənzən.
Kʋ mʋ̀ nə pɩn,
ʋ pa ʋ bidʋa kələn tə,
sə lìù tə mama,
ʋ nə ken ʋ waa ʋ nə,
ʋ kʋ́ʋ̀ dàn ká jɛ́n mama.
Yá ʋ wá na mɩɩ tə,
kʋ nə ba zwɛ̀ Yɩɩ con.
17 Yɩɩ mʋ̀ yà wà ʋ bìú tə tʋn lʋʋ wa,
sə ʋ bʋ̀rɩ̀ lɩ̀à bʋra.
Yɩɩ tʋn wá,
sə ʋ jon lɩ̀à ba cʋna tə wa.
18 Lìù tə,
ʋ nə kəni ʋ waa ʋ nə wuuu,
ba kʋ́ʋ̀ bá bʋ̀rɩ̀ kʋ tíú bʋra.
Yá lìù tə,
ʋ nə ba ʋ waa kəni ʋ nə,
kʋ tíú bʋra dí yáá ka bʋ̀rɩ̀,
ʋ nə ba ʋ waa kəni Yɩɩ bidʋa kələn tə nə yɩrɩ.
19 Á nəŋə,
nətʋ tə gʋrɩ bʋra tə nə wá twá,
kʋ ma bà.
Poni twi lʋʋ wa,
yá ləzoni ga sóní yikunu,
ba doni poni tə,
ba nə tʋŋa yolwana tə yɩrɩ.
20 Lìù tə mama,
ʋ nə tʋŋa yolwana,
ʋ culi poni,
ʋ ga ba poni wa naŋa.
Fən ja wá,
də dɩɩn don ʋ tʋtʋnkʋkwɩnan tə nə wá nan poni tə nə yɩrɩ.
21 Yá lìù tə,
ʋ nə twá cɩ́gá cwəŋə,
ʋ yàá bà poni wa,
sə ʋ tʋtʋnɛɛ tə nan poni tə wa,
sə lɩ̀à mama na,
də ʋ tʋtʋŋɩ mama twá Yɩɩ fɩra nə.»
Zwan-Batisə kʋ́ʋ̀ swɩ̀n Zwezi yoo
22 Kʋ mʋ̀ təntə kwa nə,
Zwezi karbɩa tə kwé wá,
ba va Zwide nagwanaa wa.
Ʋ mʋ̀ də ba dàń yà wulə lá,
ʋ ga li lɩ̀à nɩ́á wa,
kʋ twá də Yɩɩ yɩrɩ.
23 Zwan*f1* də yà wulə Enon nə,
kʋ nə bwə́lə́ də Salimə.
Nɩ́á yà dáá kʋ bwálɩ́ tə wa.
Ʋ dàń li lɩ̀à nɩ́á wa.
Yá lɩ̀à dàń yà twi ʋ con,
sə ʋ lə ba nɩ́á tə wa.
24 Kʋ máŋá tə wa,
də ba tə wà Zwan ken bàń dìə̀ wa.
25 Zwan karbɩa tə,
də *Zwifə-ba yuu tíú don,
zɩ̀n tʋ́tʋ̀ná ba pwə́rə́ wa.
Ba tʋ́tʋ̀ná tə yɩ nətʋ lìù nə wá sɩn ʋ tɩ̀àn də nɩ́á,
ndə ba nə mɛ,
sə ba fwa nətʋ,
ba ma zìlí Zwifə-ba yofwamɩʋn tə.
26 Zwan karbɩa tə zàn ba va ba yí wá,
ba swɩ̀n ʋ con,
ba wʋ́:
«Karnyɩna,
lìù don yà yɩn də mʋ́,
Zʋrədɛn mʋnaa tə kwa con.
N swɩ̀n ʋ yoo n bɩrɩ nəba.
Nə̀ń,
ʋ də wulə ʋ li lɩ̀à nɩ́á wa,
kʋ twá də Yɩɩ yɩrɩ.
Yá lɩ̀à tə mama vələ ʋ mʋ̀ con.»
27 Zwan ma le,
ʋ wʋ́:
«Ləzwənə mama wàrɩ̀ won ʋ nɩ,
də kʋ nə tà kʋ tə,
Yɩɩ nə ken kʋ dɩ̀àn ʋ jɩɩn wa.
28 Á tətə yə̀ə́,
də à swɩ̀n à bɩrɩ də,
à mʋ̀ nə tà *Kərisə tə.
À yɩ Yɩɩ nə tʋn nə,
sə à ya Kərisə yáá,
à bà.
29 Kʋ yɩ ndə lìù nə,
ʋ nə jə ʋ kan,
ʋ nə pɩ̀à,
sə ʋ swe.
Kanbarɩ nə tɩ ʋ kan.
Yá kanbarɩ tə dabɛɛ tə,
ʋ nə jə̀ń ʋ səpuni nə,
ʋ yàá cʋga kanbarɩ tə sʋgʋ.
Ʋ pùə́ ya poli kanbarɩ tə sʋ̀ràn tə yɩrɩ.
Mə à pupoli tə dáá zənzən nətʋ.
30 Kʋ mʋ̀ tə yɩrɩ,
Zwezi dun mɛ,
sə tə súrí,
wuuu,
sə à mʋ̀ dun ga mun.»
31 «Lìù tə nə nan Yɩɩ,
wulə lɩ̀à tə mama yuu wa.
Lìù tə,
ʋ nə yɩ tɩran nə fwa,
ʋ yɩ tɩa tə nə tɩ.
Yá ʋ yàá swɩ̀n ndə lìù tə nə,
ʋ nə yɩ tɩa nyiən.
Lìù tə,
ʋ nan Yɩɩ *sàń,
ʋ wulə lɩ̀à tə mama yuu wa.
32 Lìù təntə yàá swɩ̀n kʋ tə ba tə,
ʋ nə nɩ də ʋ nə nì,
ʋ bɩrɩ.
Yá lìù mama ga ba ʋ sʋgʋ tə joŋə.
33 Lìù tə,
ʋ nə sɛ̀ ʋ sʋgʋ,
kʋ tíú bɩrɩ də,
Yɩɩ ya cɩ́gá.
34 Lìù tə,
Yɩɩ nə tʋn,
ʋ yàá swɩ̀n Yɩɩ sʋ̀ràn tə.
Yá Yɩɩ yàá pa wá ʋ mʋ̀ Yɩɩ-*Siŋu tə zənzən.
35 Nə nyɩna Yɩɩ swə ʋ bìú tə.
Yá ʋ ken won mama ʋ jɩɩn wa.
36 Lìù tə,
ʋ nə kəni ʋ waa Yɩɩ-Biu tə nə wuuu,
ʋ jə mɩɩ tə,
kʋ ba zwɛ̀ Yɩɩ con.
Yá lìù tə,
ʋ nə wà Yɩɩ-Biu tə nii zìlí,
ʋ bá na mɩɩ.
Yá Yɩɩ lɩŋa tə zaŋa ʋ yuu wa,
máŋá mama.»