Titò
tɔ̀ Pɔlɔ̀ andí bhàrʉwà
Yàrɨ́ bhàrʉwà ɔ̀ ɨ̀ nòtù ádrɔ̀drɔ̌ dhu tɨ́ dhu
Yàrɨ́ nɨ́ Pɔlɔ̀ andí Titò tɔ̀ bhàrʉwà, azà kumì dɔ̀ná ɨ̀bhʉ nà atɔ mà azà kumì dɔ̀ná imbò nà atɔ mànà nzínzì ɔ̌ Yěsù ka kʉ́gʉ̀ dhu-dzidɔ̌. Ndɨ Titò nɨ’ɨ̀ ɨ̀nzɨ̌ nɨ́ Mʉ̀yàhudì, pbɛ́tʉ̀ kǎ’u Yěsù. Ndɨrɔ̀, kǒngónà Pɔlɔ̀ ʉ̀ndà ibí-gʉ̀na nyʉ́ pbɨ̀ndà abhi ɔ̌.
Nɨ́ yàrɨ́ bhàrʉwà Pɔlɔ̀ andí Titò tɔ̀ Krɛ̌tɛ̀ tɔ́ *sɔ̀ngà dɔ̀ kà rɨ̌’ɨ̀ rɔ́rɔ̀. Pɔlɔ̀ ʉbhà ka ányɨ̀, ndɨ́nɨ̌ pbàkʉ̀rʉ̌ novó tɨ́ Yěsù ná’ù alɛ nzínzì ɔ̌, ndʉ̀lɨ ányɨ̀ *kànɨ́sá dɔ̌.
Bhàrʉwà-nyɨ̀tɨ̀ ka kóhù tɨ́ dhu:
- Bhàrʉwà-dɔ̀kpa (1.1-4).
- Kànɨsà ɔ̌ àkǎ ndɨ̀’ɨ̀ *mʉ̀kʉ̀rʉ̌ tɨ́ alɛ-tɨdɔ̀ (1.5-9).
- Pɔlɔ̀ rɨ̌ Titò-nyɨ̀kpɔ́ ìtdyǔ tɨ̀tɔ̀ tɔ́ dhu ùdhě arɨ́ màlímó rɔ̌ rɔ̀ dhu (1.10-16).
- Pɔlɔ̀ rɨ̌ dhu ɔ̀vɔ Titò tɔ̀ kàkǎ ndòngò dhu ùdhe kànɨsà ɔ̌ dhèdhèrɔ̀ alɛ-tɨdɔ̀ mànà tɔ̀ tɨ́ dhu dɔ̌ dhu (2.1-15).
- Yěsù ná’ù alɛ àkǎ ’òkò tɨ́ dhu (3.1-11).
- Bhàrʉwà rǐku dɔ̀ná rɔ̀ ʉyátá mà, ovìta mànà (3.12-15).