1
Ɓëyí júɓpé a ɓëyí ɓosse
1-2 Ɓëyí síkírëey won ɓëyí ɓosse,
cagaay a bakaaroh,
tookaay a ɓëewí faaliyuuy yin,
anti ot neɓ síkírëhí unni Yahwee,
níɓé në naꞌ a elek,
ɓëyí baa lahte sos-keeñ !
3 Ɓëyí baa tal kilki yípú ɓúk laah :
lahaa wahtii ɓéeɓ lím,
saaffa na koleeh hilil.
Yii paŋ ɓëyí baa ɓéeɓ ñee waal.
4 Wa fi ɓëewí ɓossa nék,
wa fikiɗ fa ngilaaw ma pah wa ra,
fikiɗ fa ngilaaw ma pah wa,
hasla'te wa ra.
5 Yiin bis-këem,
ɓëewí ɓossa ay sígím.
Këemí ɓëewë júɓú rë,
bakaaroh ya ii rii maasaꞌ.
6 Yahwee yeelaꞌ tílëdí ɓëewë júɓú rë,
tílëdí ɓëewë ɓosu ra ɓekaꞌ ow sooƴ.
Ɓëyí síkírëey won ɓëyí ɓosse,
cagaay a bakaaroh,
Yahwee yeelaꞌ tílëdí ɓëewë júɓú rë.
Ɓëyí síkírëey won ɓëyí ɓosse,
cagaay a bakaaroh,
Yahwee yeelaꞌ tílëdí ɓëewë júɓú rë.
Tookaay a ɓëewí faaliyuuy ëldúnë fí wë,
Yahwee yeelaꞌ tílëdí ɓëewë júɓú rë.
Anti ot neɓ síkírëhí unni Yahwee,
Yahwee yeelaꞌ tílëdí ɓëewë júɓú rë.
Ɓëyí baa lahte sos-keeñ, keeña lahte ndam.
Yahwee yeelaꞌ tílëdí ɓëewë júɓú rë.
Ɓëyí baa tal kilki yípúté ɓúk laaha :
Yahwee yeelaꞌ tílëdí ɓëewë júɓú rë.
Lahaa wahtii ɓéeɓ lím,
saaffa na koleeh hilil.
Yahwee yeelaꞌ tílëdí ɓëewë júɓú rë.
Yii paŋ ɓëyí baa ɓéeɓ ñee waal.
Yahwee yeelaꞌ tílëdí ɓëewë júɓú rë.
Tílëdí ɓëewë ɓosu ra ɓekaꞌ ow sooƴ.
Yahwee yeelaꞌ tílëdí ɓëewë júɓú rë.
Tílëdí ɓëewë ɓosu ra ɓekaꞌ ow sooƴ.
Yahwee yeelaꞌ tílëdí ɓëewë júɓú rë.
Tílëdí ɓëewë ɓosu ra ɓekaꞌ ow sooƴ.
Yahwee yeelaꞌ tílëdí ɓëewë júɓú rë.
Tílëdí ɓëewë ɓosu ra ɓekaꞌ ow sooƴ.
Yahwee yeelaꞌ tílëdí ɓëewë júɓú rë.
Tílëdí ɓëewë ɓosu ra ɓekaꞌ ow sooƴ.
Yahwee yeelaꞌ tílëdí ɓëewë júɓú rë.