Sura' lako
to-Ibrani
Kada dipajolo
Ia tee sura' lako to-Ibrani dipatuju lako tomatappa', to te'da ka'tunna dipakario-rio. Napamasumanga'i to tonnuki'i tee sura', kumua natatta' matappa'. Den tallung uluan pangngajaran napau to tonnuki'i tee sura'. Pamulanna, Anak Allataala to Puang Isa. Napangpekitanmo to kamenturusanna lako Ambe' tonna maparri'. Mala'bih Ia na ia to nabi lan Basse Jolo. Mala'bih too ia na malaeka'. Makaduanna, mangkamo naangka' Puang Allataala to Puang Isa menjaji Imang to mala'bih na ia to imang lan Basse Jolo. Makatallunna, ia to tomatappa' lako Puang Isa didampangan, na te'damo namalaja' sanga dila'paranmi jio mai kuasa kamatean.
Ia to tonnuki'i tee sura' mpau simesa'-mesa'i to tokaissenan lan tangnga-tangngana to-Israel sanga kamatapparanna (pasala' 11), dikua na ia to tombacai tatta' matappa'. Napeta'da lan pasala' 12 kumua namawatang tarruh ratu lako mangkatampakanna, naparannu tarruh lako Puang Isa.
Issinna Sura'
Pamula sura' 1:1-4
Mala'bih to Almaseh na malaeka' 1:5-2:18
Mala'bih to Almaseh na Nabi Musa 3:1-4:13
Mala'bih to Almaseh na Imang Lompo 4:14-7:28
Kala'bianna to basse-Na Almaseh 8:1-9:28
Kala'bianna karoban-Na Almaseh 10:1-39
Paralluki' matappa' 11:1-12:29
Cappa' pangpangngajah sola tampakkana sura' 13:1-25