Sura'na Paulus lako jamaa jio kota
Roma
Kada dipajolo
Ia tee sura' nauki' Paulus lako jamaa jio kota Roma dikua nasadia ntarimai ke ratui lako. Madoangngi Paulus ke torroi jio mbalii tomatappa'. Napamanassai lan sura'na apa bua'na ke matappa'ki' sola umbo nakua carata' ke tuoki' susi tomatappa'.
Napamanassai Paulus lan sura'na kumua, parallu sikalino pole' Puang Allataala na tolino, nasaba' la to-Yahudi, la bangsa tangngia to-Yahudi nakuasai ngasanmi dosa. Sikalino pole'mi Puang Allataala to tolino, ke matappa'i lako Puang Isa. Napaui Paulus kumua matumba kassingna ke tuoki' sola Almaseh, na ia to katuoan baru taampa'mi, ke sikalinomiki' Puang Allataala. Na Roh Allataala la'paranni jio mai kuasa dosa sola kuasa kamatean.
Lan pasala' 5-8 napamanassai Paulus to tujunna atoran-Na Puang Allataala sola kuasan-Na Roh Allataala lan katuoanna tomatappa'. Nakua kumua la to-Yahudi, la bangsa tangngia to-Yahudi te'da napasilaenan Puang Allataala. Iamo joo na sininna to bangsa tangngia to-Yahudi wa'ding too nnampa' barakka' jio mai Puang Allataala, nasaba' Puang Isa Almaseh.
Issinna Sura'
Pamula sura' 1:1-17
Tolino mparallui kasalamatan 1:18-3:20
Umbo nakua Puang Allataala mpasalama' tolino 3:21-4:25
Katuoan baru diampa' ke sirapumiki' Almaseh 5:1-8:39
Israel na akkatta-Na Puang Allataala 9:1-11:36
Sipa'na tomatappa' 12:1-15:13
Tampakkana sura' sola sallangna Paulus 15:14-16:27