يسعياھ 42

جوئو، مھارو ٻونھو، جڪَي رِي ھُون ݾنڀال ڪرون ھون،

جڪَي نَي مھَي چُونڊيو ھَي ھانَ جڪَي ݾون ھُون تموم گھڻو خُوش ھون۔

مھَي آپرِي آتما اُوئي تي ميلِي ھَي

ھانَ او قومون نَي مھارَي اِنصاف رَي بارَي ۾ ݾُڻاشَي۔

‏2 او نَڪو رڙَي ڪرَي، نَڪو ھُل ڪرَي

ھانَ نَڪو شھر ۾ اُوئي رو ٻولڻ ݾُڻيجَي۔

‏3 او لتاڙيوڙَي ڏوڪَي نَي ڪونھي ڀونگَي،

نَڪو ٻُجھتَي ڏِيئي نَي ٻُجھاوَي،

او ݾچائي ݾون اِنصاف ڪرشَي۔

‏4 او ڌرتي تي اِنصاف رِي ڪاميابي توڻي

نَڪو ٿڪَي نَڪو ھِمت ھارَي۔

تموم اݪگَي قومون اِنتظار ڪرتَي ريشَي ڪہ

اُوئون نَي پرميشوَر رَي باتون ݾيکائَي جاوَي۔