ھر ھيڪ پرميشوَر رِي بڏائي ڪرَي
150
پرميشوَر رِي بڏائي ڪرو۔ٿي ايشوَر رِي پويتر جگھا ۾ اُوئي رِي بڏائي ڪرو۔
اُوئي رِي قُدرت رَي آڪاش ۾ بڏائي ڪرو۔
2 اُوئي رِي قُدرت رَي ڪومون رَي ڪري اُوئي رِي بڏائي ڪرو۔
3 نَر ݾِينگَي رَي آواز ݾون اُوئي رِي بڏائي ڪرو۔
تندُورَي ھانَ تارون آݪَي سازون ݾون اُوئي رِي بڏائي ڪرو۔
4 دفلَي بجاوتا ھانَ ناچتا ناچتا اُوئي رِي بڏائي ڪرو۔
تارون آݪَي سازون ھانَ بونݾلِي ڀيڙو اُوئي رِي بڏائي ڪرو۔
5 زور ݾون جانجھ ݾون اُوئي رِي بڏائي ڪرو۔
زور ݾون باجڻ آݪِي جانجھ ݾون اُوئي رِي بڏائي ڪرو۔
6 ھر ھيڪ پرميشوَر رِي بڏائي ڪرَي۔
پرميشوَر رِي بڏائي ڪرو۔