پرميشوَر رَي نون رِي بڏائي
113
پرميشوَر رِي بڏائي ڪرو۔اي پرميشوَر رَي شيوادارون اُوئي رِي بڏائي ڪرو۔
پرميشوَر رَي نون رِي بڏائي ڪرو۔
2 آج ݾون پڻ ھميشا رَي ݾارُو
پرميشوَر رو نون ڌن ڌن ھووَي۔
3 ڏِن اُگڻ ݾون لي ڏِن آٿوئڻ توڻي
پرميشوَر رَي نون رِي بڏائي ھووَي۔
4 پرميشوَر ݾجَي قومون ݾون موٽو ھَي۔
اُوئي رِي مھما آڪاش ݾون ڀِي ماٿَي ھَي۔
5 پرميشوَر مھورَي ايشوَر جھڙو ڪُڻ ھَي
جڪو آڪاش رَي تخت تي ٻيٺو ھَي؟
6 جڪو نِوڙت ݾون
آڪاش ݾون آپرِي دايا رِي نظر ڪرَي ھَي۔
7 او غريب ھانَ مُحتاج نَي مٽِي رَي ڍِگ ݾون کڻي
موٽو عِزت آݪو ڪرَي ھَي۔
8 ھانَ اُوئون نَي آپرَي خاص مِنکون ڀيڙو
يعني اُوئون نَي آپرَي خاص مِنکون ڀيڙو ٻيݾاڙَي ھَي۔
9 اوج رونڏٻير لُگائِي رو گھر آباد ڪرَي ھَي۔
ھانَ اُوئي نَي اولاد ڏي اُوئون را گھر خُوشِي ݾون ڀرَي ھَي۔
پرميشوَر رِي بڏائي ڪرو۔