بڏائي ھانَ مھما رو ڀجن
شُڪر گُذارِي رو ڀجن
100
اي ݾجِي ڌرتي رَي مِنکون،ٿي ݾجائِي پرميشوَر رَي نون را نارا ھڻو۔
2 خُوشِي ݾون پرميشوَر رِي ڀگتي ڪرو۔
گاوتا گاوتا اُوئي رِي درٻار ۾ حاضر ھوئو۔
3 اوݪکو ڪہ پرميشوَر آپ ايشوَر ھَي۔
اُوئي آپون نَي ٺاھيا ھانَ آپي اُوئي را ھون۔
آپي اُوئي را مِنک ھانَ اُوئي رِي باݪ رَي رڍون ھون۔
4 شُڪر ڪرتا اُوئي رَي در ۾ آئُون
بڏائي ڪرتا اُوئي رِي درٻار ۾ آئُون۔
اُوئي رو شُڪر ڪرو ھانَ اُوئي رَي نون نَي ڌن ڌن ڪو۔
5 ڪيونڪہ پرميشوَر ڀلو ھَي۔ اُوئي رِي ڪِرپا ھميشا رَي ݾارُو ھَي ھانَ اُوئي رِي وفادارِي ھيڪِي پيڙھِي ݾون ٻيجِي پيڙھِي توڻي رَي ھَي۔