ايشوَر ݾجون ݾون موٽو بادشاھ
96
پرميشوَر رَي ݾارُو نُوئو گيت گائو۔ݾجِي ڌرتي آݪون پرميشوَر رَي ݾارُو گائو۔
2 پرميشوَر رَي ݾارُو گائو، اُوئي رَي نون رِي مھما ڪرو۔
ھروز اُوئي رَي نون رِي مُگتي رو پرچار ڪرو۔
3 قومون ۾ اُوئي رِي مھما رو۔
ݾجَي مِنکون ۾ اُوئي رَي حيرت آݪَي ڪومون رو پرچار ڪرو۔
4 ڪيونڪہ پرميشوَر پويتر ھَي اُوئي رِي ڀگتي ڪرڻ کپَي۔
او ݾجَي ڏيوتائون ݾون وڌيڪ تموم گھڻِي مھما رَي لائق ھَي۔
5 اِيئي رَي ڪري ٻيجَي قومون را ݾجا ڏيوَو رُگو مُورتَي ھَي
پڻ پرميشوَر آڪاش ھانَ ڌرتي نَي ٺاھيو۔
6 عِزت ھانَ مھما اُوئي رِي ھووَي۔
قُدرت ھانَ ڦُوٽراپَي ۾ او پويتر ھَي۔
7 ݾجَي مِنکون پرميشوَر رِي بڏائي ڪرو۔
رُگو پرميشوَر رِي بڏائي ھانَ بکوڻ ڪرو۔