ايشوَر رِي درٻار ۾ ريوَڻ آݪا
دائُود رو ڀجن
15
اي پرميشوَر، ٿارَي پويتر تنٻُو ۾ ڪُڻ ريشَي؟ھانَ ٿارَي پويتر جبل تي ڪُڻ آئي ريشَي۔
2 او جڪو ھر ٽيم ݾاچَي باتون ڪرَي ھَي
ھانَ او جڪو نيڪِي را ڪوم ڪرَي ھَي۔
3 او جڪو آپرِي زِبون ݾون،
ڪڏئي ڪُوڙ ڪونھي ٻولتو۔
ھانَ نِي او ڪڏي بُڇڙائي ڪرتو
ھانَ نَڪو ڪَي تي ڪڏي ڏوھ ڏيتو۔
4 اُوئون رِي نظر ۾ پليت مِنک بي عِزتا ھَي۔
پڻ جڪو ايشوَر ݾون ٻيئاجَي ھَي
اُوئون رِي او عِزت ڪرَي ھَي۔
او ݾاک لي ڦِرتا ڪونھي،
ڀلي اُوئون رو ڪو نُقصون ڪيئون نِي ھووَي۔
5 او آپرو ڌن بياج تي ڪونھي ڏيتو
ھانَ نَڪو بي ڏوھي رَي ݾارُو ڪو رشوَت ليتو۔
اھڙا ڪوم ڪرڻ آݪا ڪڏي ڀِي لوڏو ڪونھي کاوَي۔