Wakita ge Zʉd ya àbəki ni
Ere ye ti məɗəmki ka wakita ge Zʉd ya àbəki ni
Maslaŋa ya ti àbəki wakita hini ni ti àɗafa slimi gayaŋ a : nani Zʉd wur ga məŋ ge Zek ni (1). Zʉd àɗəm ma akaɗa ga zal asak ga Yezu ya akal aɗəm ni do (17) ; naŋ wur ga məŋ ge Zek ya àbəki wakita ge Zek ni : nday cʉeni ti bəza ga məŋ ga Yezu (Meciyʉ 13.55).
Àbiki ti ana ndam ga Yezu (1), ay ti àɗafay slimi gatay ahkay do ni slimi ga kəsa gatay ni ndo. Àɗəm akal awayay abiki wakita ana tay ti tə̂sər ahəmamam Melefit àhəŋga tay a ni, ay abiki ana tay àki ka ndam ya tawayay magosay ndam ga Yezu ni (3-4). Àɗəm ma ti akaɗa ge Piyer ya àɗəm ni (2 Piyer 2), awayay ti ndam ga Yezu tìjikia ke divi a ba.
Ka mandav ga wakita ni Zʉd àzləbay Melefit (24-25). Ma gayaŋ ya àzləbay Melefit àna naŋ ni ti ma sulumani, ndam ga Yezu ɗek tisliki magray tʉwi àna naŋ.