मत्ती
लिख्यो सुब-समिचार
| लिखवा वाळो: मत्ती | लिखवा की वजा: ईसु करार को राजो | लिखवा को बखत: करीब ५०-६८ ईस्वी सन् |
1
ईसु की बंसावली
(लूका 3.23–38)
1 इबराइमa की सन्तान, दाऊद की सन्तानb, ईसु मसीहc की बंसावली की पोथी।
2 इबराइम से इसाक पेदा होयो, इसाक से याकूब, अने याकूब से यहूदा अने उको भई पेदा होयो, 3 अने यहूदा के अपणी बउ तामार से फिरिस अने जोरह पेदा होया, फिरिस से हिस्रोन अने हिस्रोन से एराम, 4 अने एराम से अम्मीनादाब पेदा होयो, अम्मीनादाब से नहसोन अने नहसोन से सलमोन पेदा होयो, 5 सलमोन अने राहाबd से बोअज पेदा होयो, बोअज अने रूत से ओबेद पेदा होयो अने ओबेद से यिसे,
6 अने यिसे से दाऊद राजो पेदा होयो। 7 दाऊद से सुलेमान उनी बइरा से पेदा होयो जो पेलां उरिय्याह की घराळी थी, सुलेमान से रहबाम पेदा होयो, अने रहबाम से अबियाह ने अबियाह से आसा, 8 आसा से यहोसाफात पेदा होयो, अने यहोसाफात से योराम अने योराम से उज्जियाह, 9 उज्जियाह से योताम पेदा होयो, अने योताम से आहाज अने आहाज से हिजकिय्याह, 10 हिजकिय्याह से मनस्से पेदा होयो, अने मनस्से से आमोन अने आमोन से योसिय्याह: 11 e अने बेबीलोन माय बन्दी होवा का बखत योसिय्याह से यकुन्याह अने उको भई पेदा होयो।
12 बेबीलोन माय बन्दी होवा का बाद यकुन्याह से सालतिएल पेदा होयो, अने सालतिएल से जरुब्बाबिल, अने 13 जरुब्बाबिल से अबीहूद पेदा होयो, अबीहूद से इल्याकीम ने इल्याकीम से अजोर, 14 अजोर से सदोक पेदा होयो, अने सदोक से अखीम अने अखीम से इलीहूद, 15 इलीहूद से एलीयाजर पेदा होयो अने एलीयाजर से मत्तान अने मत्तान से याकूब, 16 याकूब से यूसफ पेदा होयो जो मरियम को घराळो थो, अने मरियम से ईसु पेदा होयो जो मसीह केवाय हे।
17 असतरा से इबराइम से दाऊद तक सगळी चवदा पीढ़ी हुई, अने दाऊद का बखत से बेबीलोन की बन्धुवई तक चवदा पीढ़ी अने बेबीलोन की बन्धुवई से मसीह तक चवदा पीढ़ी हुई।
ईसु को जनम
(लूका २.१-७)
18 अने मसीह को जनम असतरा होयो के जदे उकी मेतारी मरियम की सगई यूसफf का गेले हुई, तो उणका मिळवा से पेलांज वा पवित्तर आतमा आड़ी से गरभवती थी! 19 उको धणी यूसफ धरमी होवा की वजासे उके बदनाम नी करवा की मरजी से छाने-छाने उके छोड़वा को मनसुबो करी र्यो थो। 20 पण जदे उ सोंचीज र्यो थो तो सरग को एक सरगदूत सपना माय उके यो केता नगे आयो, "हे यूसफ दाऊद का बंसज, तू मरियम के अपणी घराळी बणावा से डरे मती, क्योंके जो उकी कोख माय हे उ पवित्तर आतमा आड़ी से हे। 21 वा बाळक जणेगा अने तू उको नाम ईसुg राखजे, क्योंके उ अपणा लोगहुंण के उणका पापहुंण से तारी देगा।"
22 यो सगळो इकासरु होयो के परभु ने जो बचन नबी से केवाड़्यो थो उ पूरो होय: 23 "देखो, एक कुंवारी गरभ धारण करेगा, वा एक बाळक जणेगा अने उको नाम इम्मानुएलh राख्यो जायगा।" जेको अरथ 'परमेसर हमारा गेले'।
24 तो यूसफ नीन्द से जाग्यो अने परमेसर का सरगदूत का हुकम से उके ब्याव करी ने ल्यायो। 25 i अने मरियम कने तदत्तक नी ग्यो जदत्तक उने बाळक नी जण्यो अने यूसफ ने उको नाम ईसु राख्यो।