Hob i

Ini Sa Igsulat Denu Si

HOB

Ini Denu Sa Tulon Denu Si Hob

Apiya di pa mepion sa adat i Hob, dakel doo sa kelikutan di. Tigtu kawasà maama kagdi i, dodoo minedaetan sa langun taman di, lapeg sa malayan di ma, owoy duen ma sa tigtu mepasang linadu di. Agulé migtebow sa telu loyuk di owoy, diyà sa hagda penemdem, nekeuma sa medaet diyà si Hob danà sa medoo salà di. Dodoo endà netuuwan Hob i diyà iya wé penemdem da.

Egoh di nelugaylugay, mig-ikagi Nemula i diyà si Hob, agulé migpetukééy Hob i diyà si Nemula. Dodoo endà duen sa kagi i Nemula anì mesenulê danà sa salà di, owoy endà ma duen sa inikagi di denu sa pesuwan i Hob neumawan sa medaet. Igpehaa i Nemula polo sa dakel egkegaga di owoy sa egoh di tigtu Datù diyà sa langun eghauwen ta diyà tanà.