योहन रासतदु बेसता कबुरि
योहनि येसुसामिनाङ कग़यवाल ओर्वोग़ मतोग़. इद पुस्तकते येसु बेद्रमतोग़ आंदोग़ इनजि योहनि तोहतलाह ऊळिह्तोग़. अदिह्क येसु इद बूमते मतस्के सिरप ओनाङ आट-दहा कबस्किने इद पुस्तकते रासिसीतोग़. इव कबस्किन ऊळिसि, देवुळताहे येसु रेगतोग़ इनजि माट पुह्नल. देवुळतुन येसु ऊक-ऊके “नाक लोहतोग़ बाबाल” इनजोर इंदोग़. इतेके ओग़ देवुळता कासा मग़ि आंदोग़. ओग़े इद दुनियातुन पुटिह केवाल आंदोग़, तेला मति मावा लेह्का कय-कादोग़ आसि इद बूमतगा रेगतोग़.
“जीवा ईयनद तिंडि ननाने, दुनियाता वेह्चतन ननाने, नेह्ना गोरे कोपानन ननाने, अग़दन, सेतेमतन, जीवातन ननाने, देवुळता मग़नन ननाने,” इनजोर येसुसामि कुदि वेहतोग़. देवुळबाबाल लोहतोग़ पिसिह केवाल राजाल येसुये आंदोग़, ओसो ओग़े देवुळता मग़ि आंदोग़ इनजि मीट नमना, अदिह्के योहन इद पुस्तकते रासतोग़. इद्रम नमतेके मीक येसुना संगे अमेसाता पिसमुळ दोर्कग़ा (20:31).