Rao a ye n da bãnge t'a zoa a ye sẽn da vɩ tẽn-pẽtg a ye pʋga,

n da pa rat n kõ ned bũmb lae-lae ye,

la a ra pa tẽed t'a ra tõeeme n tõdg n pa reeg ned sãand ye.

Daar a ye,

a yãka yam n na n tɩ ges-a.

A sɩnga kẽn n dabd a nengẽ.

A ye wã sẽn yã-a t'a be zĩ-zãorgã,

a zoeeme n tɩ yã a pagã n yeel-a :

« Mam zoa a ye n wate,

la d pa tog n maan dɩɩb a yĩng bal ye »!

Kaoosame tɩ sãanã sẽn gãe pĩir zugã wa yaa wala a gõeeme.

Sũ-kĩ-nedã tagsame tɩ wakat kãnga a tõe n paama bũmb n dɩ,

n kɩt tɩ b na n dʋg bɛng n kõ-a.

Bɛngã sẽn wa n bɩ,

pagã sik-a-la bugmẽ wã n tall n wa tẽgen a sɩdã sɛɛgẽ,

n ket n tagsdẽ tɩ b sãanã gõeeme.

La a ra pa gõe ye.

A wẽgsa bilfu,

n dõneg a menga,

sẽn na yɩl tɩ zakã soab bãng t'a neeme.

« Ha,

m gãag soaba,

f pa gõe la »?

« Ayo,

m pa gõe ye ».

« La sẽn be,

f pa tog n gũ bũmb ye.

Woto wã yaa bɛng d sẽn dog n bʋd rõandã «.

Sãanã yikame n na n loog n pa tol n dɩ ye.

A pẽnega sũ-kĩ-nedã,

n dɩk a korgã,

n dɩk bɛngã n kiig a korgã pʋga.

« Yaa bõe yĩng tɩ f rɩkd m bɛnga »?

« Fo yeelame tɩ yaa bɛng sẽn na n bʋde.

Woto wã,

tõnd nengẽ,

a buud ka be ye.

Rẽ wã,

m na n ninga m korgã pʋg n tɩ bʋde.

Mam nan pa seg bɛng-kãngã buud m sẽn beẽ wã ye »!

D nee vẽeneg tɩ zood a woto pa na n tol n yɩ zood hakɩɩk sẽn tar pang ye.

.