Mukanda ya Polo na sika ya
TITE
NKOTOLO
Polo ke na kufidisa mukanda yayi na sika ya Tite yina kele mosi na kati ya bampangi ya yandi ya kisalu. Tite vwandaka muklisto yina butukaka ve Zwife (Ngalatiya 2.1-3), mpe yandi salaka kisalu ya mfunu samu na kuvutula ngwisani na kati ya bantu ya mbanza Kolinto na Polo (2 Kolinto 7.6-16).
Ntangu Polo fidisaka yandi mukanda yayi, Tite vwandaka na kisanga ya Kelete sika Polo pesaka yandi kisalu ya kumanisa na kubongisa mambu ya dibuundu ya Nzambi, mpe kuvwandisa bakuluntu ya dibuundu ya Nzambi.
Dibuku yayi kele ya kukabuka mutindu yayi:
- 1.1-4: Bambote
- 1.5-16: Polo ke na kuzonzila mambu yina kele mfunu samu na bantwadisi ya dibuundu ya Nzambi.
- 2: Polo ke na kupesa Tite malongi na yina me tadila konso mutindu ya bantu yina kele na kati ya dibuundu ya Nzambi mutindu: babakala na bakento ya kukula, bantwenya mpe bandongo.
- 3: Polo ke na kubambula moyo na bisalu yina baklisto fwana kusala, mpe mfunu ya kuzinga na kizunu mpe ya kumanga mambu yina ke kabulaka bantu. Na manima, yandi ke na kupesa na Tite malongi yina me tadila yandi. Na kumanisa, yandi ke na kupesa bambote ya nsuka.