Kuluntu
Nkotolo
Nkumbu ya dibuku yayi ni Kuluntu. Ya kele mbangululu ya nkumbu ya dibuku yango na ki-Ebelewo. Ya zola kutuba: muntu yina ke na kisalu ya kuzonzaka na kati-kati ya lukutakanu ya bantu.
Muntu yina sonikaka dibuku yango kele muntu ya ndwenga, ni mutindu yina yandi mosi me zonza. Kasi ndwenga yina yandi ke na kupesa beto kele ndwenga ya mutindu ya yandi mosi. Muntu yayi ya ndwenga me bwabana mambu mingi awa na ntoto. Mpe na kati ya mambu yina, yandi me kwiza bakula ti kyese awa na ntoto kele kima ya kusikidila ve. Ngolo nyonso mpe yina bantu ke sadilaka na kuvwanda na kyese yango, ya kele kaka ya mpamba. Na yina, yandi me kukiyufula kana luzingu ya muntu awa na ntoto kele kwandi na ndandu.
Muntu yayi ya ndwenga ke na kuzabisa nyonso yina yandi me bakula na yina me tadila mambu ke lutaka awa na ntoto. Na kati ya dibuku ya yandi yayi, yandi ke na kuvutukila mingi na kuzonza ti bima nyonso kele ya kusadila ve kivuvu. Ya vwanda buntwenya, ya vwanda bimvwama, ya vwanda nkembo, ya vwanda kisalu, ya vwanda ndwenga, ya vwanda ludedomo. Bima nyonso yina ke na kunwanuswa na lufwa mpe kondwa ya ludedomo yina kele na kati-kati ya bantu.
Dibuku yayi lenda kukabuka mutindu yayi:
Nkotolo: wapi ndandu samu na muntu? (Klt 1.1-11)
Nyonso kele kaka ya mpamba, kasi nyonso kele na maboko ya Nzambi (Klt 1.12-6.9)
Malongi na yina me tadila mambu ya luzingu ya muntu (Klt 7.1-12.8)
Kumanisa: malongi ya mansukina ni kuzitisa Nzambi samu ti mfundusu ke vwanda (Klt 12.9-14)