Leeter masa Pawl ma wuzlala
ŋgeeme a
Timawte
Mey da ray
Leeter masa Pawl ma wuzlala ŋgeeme a Timawte
Leeter e keɗe ara Pawl ma wuzlala ŋgada Timawte. Timawte na, ara bəzey ŋga ndaw Gərek. Mamaha na, ara ŋgwas ma təɓa mey ŋga Yesu, ara dam Jəwif ma yey ta yey. Pawl a səram vaw ta Timawte na, daa mepəkey aŋga ŋga dey cew (SNM 16.1-3). Maa sərkada Timawte ŋga wuzey mey ŋga Gazlavay na, ara Pawl. Ara maja ŋgene, aŋga anda bəzey da hwaɗ aŋga. Pawl ta vəlar sləra la ga mekele mekele a Timawte, ta slərda la a Tesalawnik leŋ a Kwarinti. A pa ŋga bay-ray ŋga Egəliz hay.
Masa ata ma pəskamərwa Pawl la ŋgeeme daa fərsəne na, ta’, a daw a wuzey mey ŋga Gazlavay cəŋga. A wuzlalara leeter a Timawte na, masa aŋga daa hwayak ŋga Masadəwan. Daa leeter e na, Pawl a kəta Timawte da ray mekey sləra daa Egəliz ŋga Yesu.
Pawl a wuzlalar leeter a Timawte na, dey cew. Daa masa ŋgeeme keɗe na, a kətata ndəhay daa mecəmey-ray ŋga Yesu, a kətata bay-ray hay (3.1-13). Asaya, a kəta Timawte he, a ləvar ŋga njey ndaw ma ka sləra ŋga Yesu Kəriste maaya. A ləvar ŋga nəkey dey fa ndəhay daa mecəmey-ray hay ŋga Yesu.
Daa leeter e keɗe na, mey mekele mekele daha ŋga vəley gədaŋ a ndəhay:
Medərey-daŋgay (2.1-8)
Metəɓey mey ŋga Yesu na, a fəna mesəpey zleley (6.6-10)
Mesəpey ŋga key cek maaya (6.11-12)