Leeter masa Pawl ma wuzlalatara a
Galat hay
Mey da ray leeter ŋgada
Galat hay
Leeter e keɗe na, ara Pawl ma wuzlalatara ŋgada ndəhay daa mecəmey-ray ŋga Yesu daa hwayak ŋga Galati fa dəɓa masawa aŋga fa ata (SNM 16.6; 18.23). Daa leeter keɗe na, Pawl a ləvey: «Cek mahura na, ara mepey Yesu Kəriste ŋga ndaw fara fara ta mewuɗey ndəhay mekele.» (5.6)
Da wuzlah ndəhay ŋga Yesu da Galati na, Jəwif hay daha, Jəwif hay ba hay daha may. Jəwif hay siya a ləvam si ndəhay Jəwif hay ba hay a təɓmara mewey hay tabiya ŋga Jəwif hay, si a slam mandawal anda Jəwif hay amba a təram ndəhay ŋga Yesu. Pawl a ləvey, mey ata ha ŋgene, ara mey ŋga Gazlavay ba, maja ndaw a gwa ŋga tərey ndaw maaya fa mey ŋga Gazlavay ta fa cek masa aŋga ma ka ba, ama si ta fa mepey Yesu ŋga ndaw fara fara gway. (2.15-21)
Daa fasəlawal 5 haa 6, Pawl a ləvey si ndəhay ŋga Yesu a njam maaya maaya, a jənam vaw da wuzlah ata maja mewuɗey-vaw ŋga Kəriste. Gazlavay ta vəlndakwar Mesəfney aŋga la ŋga jənndakwar ŋga njey maaya kəne may.
Daa leeter e keɗe na, mey mekele mekele daha ŋga vəley gədaŋ a ndəhay:
Kwakwas ŋga Mawiz a gwa ŋga tərda ndaw maaya fa mey ŋga Gazlavay ba, ama ara Yesu ma tərda ndaw maaya fa mey ŋga Gazlavay (3.10-14)
Mey da ray cek hay maaya ma sawa ta fa Mesəfney ŋga Gazlavay (5.22-23)