Pha,jhi" re the' yu mung: ba: gyo" ra" myid qo" yu: ra" yaug wa ngaui lho" ra" wo".Aiwa ngaui mae bo: ra" aphug' tho' mago" aimae bo: ra" qhang tho' mago" re: ni" qhid' mae" phug' de; ra".Aung khug: pha,jhi" wa phug' de; ra" laugsin" tho' je: phug' ra". Nao o: ra" ja: pe" ja: we' re: ai we' magai: tau".Aung khug: pha,jhi" wa nao re kao qhang: ru we' jo,nho" qo" nga: ye; ru byid' ra".Aung khug: pha,jhi" wa ni" byuna pyad re ngaui lho" nhao mung: gug: gam: na nhao: ra".Pha,jhi" bo mo, wa ngaui lho" ako". Aung khug: pha,jhi" wa yao: bam re kao so' byid' li" nae".

Asang wa myid gaung re yao" pha,jhi" yang phan" jaung: to" ra"- mug: gaung rere: yao" pha,jhi" laba lajhao: yang nyhang" to" ra".Yao" pha,jhi" jham re: qid gyaung: jham re yug: lo" nhao: ra". Jham thaui: jham wa myid gaung re mug: qu byid' ra".Nga" zo: we"- ni" khug qag nyan: we' laba lajhao re tang za: zaui" zag: ci wa,- ni" lo, mae" khonhae" re: dalhag' ke'.Ai shid' lam: wa nao re ngaui lho" ra" kao so' byid' li" genae".Ni" gyaung: khyo mae nao yaug yo za: su: mung: khonhae" re: khyid au: mathaung: nae".\bd Asang\bd* wa nao re lhaug' zaung" byid' li" nae"- nao re lha" mae gyo" myi" nhao nae" mangad:.