Davi nho: kho:kham kaung wa thau: khyang: pye' va" sag' gae ru" ru ngad: ra". Ngadqere: sag' ngad mae" sag' bau: tad' li" ru we' dakhyo: Davi nho: myid: zo: qemae" kho:kham asag' dayaug thug' li" nae".Asang: byo wa yao" byumyu" re eib nae" qhid' mae" pha,jhi" laba lajhao- ba jhao: ru yao: re byid' li" nae". Yao: wa Asang re ba mung: yao: re phug' myao: byid' li" nae".Yao: wa Asang: dao: re phug' cao" rumae ngaui bau: khyo qho: li" nae". Yao: wa myo,nho re qu" yang:- mageim: ta" hau" ra" dao: re gyo: yang: dao: makho' nae".Yao: wa myaung sho: mo, re nyang nyang za: dao: kho' mung:  masho: majhin ngad mo, re akho: akhang" gug: gam byid' li" nae". Yao: amyin" dao: mae mung" byu qe qobo dae byid' ru qhug' mung: makhyang" ra" mo, shid: li" genae".Yao: wa yao" byumyu" re din: nyang: ru we' jhaug' zhaug: ruyang eib: li" nae".

Asang wa- Ngo yang qam: bo nhao yaug ngad: ra"- ngoyang khyin: yu: to: mung: ngoyang o ngaui yaug nga" daui daui yaug cemae ngad: ra". Ngo wa yao: re nga" byo we' pyang" to: byid: va". Amung: yao: wa byumyu" khao: ngo" re tarha" din nyang: ru cili" byid' li" nae".Yao: wa hug' re: mahug'- thoe re: mato' nae". Hau" mo" khyo jham mae thoe qi: we' re: majhau nae".Yao: wa nghaug' jo; ra" qid phaung: yao: re makhyug' pye' nae". Kyi kyi mung: za: de; ra" myikaug' rere: mase' pye' nae". Yao: wa alhab' mo, re mabaui mabyo; tarha" din nyang: ru cili" byid' li" nae".Yao: wa myid: lao" ru malaui: nae" qam: re: magyug: nae". Yao: wa myid gaung dao mae tarha" din: nyang: rure zao: to" li" nae" mug: va: mae" mung"dan: jham wa yao" mho" shid' khyo re kao bau taung" lao" na: li" genae"- ga: ta" ra".\bd Asang\bd* wa- Betlehem Ephrad we" nao wa Yuda vogaung: jham mae" ngai: thao" vogaung: dalam: ngadqere: ganhae" gaco' mae" byuxag' gyo" lo: ra" yaug Israel kho:kham re nao mae" ngo thug' li" nhao nae".