7. MAO"SO: YHAM MO" RE O MYID: RA" KHYO
(Caung: khin" 84:1-12)
| Qam: so' bo: thao" ra" Asang we"- ni" Caung:pa" Yham re ngo khoqhi" jhid'de; i? Ai: jo,qo mae ngo khonho" na nug: i? Ngo wa Asang: Caung:pa" Yham mae qo" na nae" nhag' nghae" ra". Ngo wa- kao so' daui: na: ra" Mao"So re nga" gaung khyao alhab' yang ngaui bau: ngaui lho" nghaui"caung: byid' ra". Qam: so' bo: thao" ra" Asang nga" kho: kham we' nga" Mao"So we"- ni" xeim: ngaui" phan nhae mae jhakhyao" jham we' jhin: tao: jham lhao" re: asad' sad' mung: aimae yao: bam: ngho' nau" jham re khau: nha: to" ako". Ni" Caung:pa" Yham mae na mung: nao re khonhae" re: Nghaui"caung" na mo, wa khoqhi" ngaui bau" na: ako" i? Nao mae" qam: o: qo" yu mo, Ziun bam khyo caung:pa" nae" ga: ye: mo, wa khoqhi" ngaui bau" ako" i? Baka ga" ra" kyaug' ho: ra" lao: geim: khyo" yao: bam su" lai: lo" ko" au: re ai: jo, qo wa qid baug: thug' li" mung: zin vao kheim: re qu: ra" mug: qu: yang qid tham: byang" byaug: ra". | Yao: bam wa ye" lo" zo" re" jeyang: qam: bo: li" ako". Yao: bam wa so jham: nho: Mao"So Ziun mae the' myao: li" genae". Qam: so' bo: thao" ra" AsangMao"So we"- Nga" akyu" mho' thoe re gyo: byid: la, Yaku nho: Mao"So we"- tae" gyo: byid: la, O" Mao"So we"- nao khyin: yu va" ra" kho:kham- ngonhaung" nho: kho:kham re shaman" byid: wa,.Ni" Caung:pa" Yham mae daba na: ru wa gakhyi" mae ba na dataung na: pye' tho' mae je: gai: ra". Nhag' lam: kaui: ra" makhyang: mashab mo; yham mae na nae" tho' mae" wa nga" Mao"So: yham vang" kham: mo" mae ye:ye; jo, nae" ru je: nug: ra".Asang wa- ngonhaung" re gug: gam byid: yaug we' ngonhaung" re shaman" byid: mung: nga: yhe' byid' ra" ngonhaung" nho: Mao"So ngad: ra". Yao: wa dangman" ru kad' mo, re gai: ru byid: nae" maha: pye' byid: ngad: ra". Qam: so' bo: thao" ra" Asang we"- nao re lam: khug: na mo, wa khoqhi" ngaui lho" ako" i? |