2. TARA" AMYHI" DAXE
(Thug' lo" 20:3-5a,7-8, 12-17; Marku12:28-30; Yohan13:34-35)
| Ngo mae" je yang: so gatau re dacaung:pa".Mug:gaung dao mae mangad: lao" myid gaung dao mae- myid gaung agyid' mae mangad lao"- qid khug mae jo; ra" pe" ja sulho rere: naonhaung" qhid' mae" dakad'-Pe" ja" sulho rere: au: pa" dapa"- mangad: lao"- aire dacaung:pa"- Nga" mang re makhyang" ra" khyo qang yang: daci- pe"mung:ga"re ngo ni" Mao"So Asang wa nga" mang re mangad' ra" khyo" ci: ra" yaug khag' re ngadqere: qobo dae byid' li" nae". Dugno: Ba re phug' cao" mung: ai ba re gyang" lho" sho' kad' ca".Nao re ngo byid' ra" mung"dan: mae ayo, myao" sho' qo" na nae" qhid' mae"- ni" myhi" we' ni" pho" re phug' myao: ca"- Byu dase'- Myi: shad' lao dashad'- Dakhug' Khag' rere: majo: ra" khyo" qobo dazhaug'- | Su gaje: yham re o: dabyid- yao" yham sang myhi" rere:- yao" jeim qere re:- yao" nung: rere:- yao" loze rere: mangad: lao"- yao: sang: ru gatau pe" rere: o: dabyid- ga" ra".Ailao" Tung" Pho" qemae" dayaug wa Yesu we' Saduke bam dayaug we' dayaug jho" ta" ngag: na ko" rure the' gyo" ru we' Yesu yao: bam re shab shab za: tau: byid' rure qu" myao lao"- Yesu jhao" qui" li" mung: yao: re Amyin" dao: alhab' mae" kholam: je: qi"thao" ngad: i? ga: myid' ra".Yesu wa Israel amyu" we"- tae" gyo: ge,- ai: Asang ngonhaung" Mao"So wa date: za" Asang ngad: ra". Ai: Asang ni" Mao"So re ni" aung khug nhag' lam:- myid nyan: ba: ru- gaung dau: qam: so' alhab' we' jhid'de; ca" nae" ngad: ra"- ga" ra" lam: wa qi" thao" amyin" dao: ngad: ra". Dayaug we'dayaug jho" jhid' de, ge,- ngo naonhaung" re jhid' de; ru we' dakhyo:- naonhaung" yao: cao: re: jho" jhid' de, ca" ra". Ce: tarha" asag' ana" ngo naonhaung" re byid' ra". Amung: naonhaung" yao: cao: jho" jhid' de, ko" ngad: re wa naonhaung" wa nga" mho"zo: qe ngad: rure yaug khao: ngo" ba: li" genae"- ga: ta" ra". |