Luk
Ɔtɔnga Nwa kwu Nnwɛr kwu Luk
Nnwer kwu Luk ɔttara ku nnwer kwa Atɔmɔtɔm pi Jisɔs ode anwɛr affa kwɔ ɔnang wan ɔkkɛr. Mbyo effebɨng ene eteg otse kwu Ubɨnɔkpaabyi ojer ayoganang pi Izɨrɛl pɛrɛ ifon ndoga ibɨng aba buw Jisɔs innam. Ku nnwer otseden kwɛ, osenga ode otena Jɛrusɛlɛm otemkwɛ kwa akpen pa anang pi Izɨrɛl. Ku nnwer kwu ode affa, osenga ubɨn Jɛrusɛlɛm opfona ki ifon ndoga, utu utɨma sɛ Pɔl no teg ɛkkawa tsɛ Ɛvaar tsu Ubɨnɔkpaabyi ga Rom, ofon diden kwi ifon ndo ibɨng.
Luk ɔkɛr ɔnang ɔnang kwi ikpɨkpowa iban-ɛ Tiyofilɔs, kwɛ kwuna kɔ ɔnang ttama uda giga Rom. Anwɛr pyɛ ɛkam idɨg rɛ ɛsaw-ɔsaw ra rɛ ibɨn ka anwɛr kɛra, ɔtɔnga, mmang, otsekwɛ ono senga osenga, anwɛr pyɛ abɛ na yoma-oyoma ottara atse pya aba akker abanga anang. Idɨg ra Luk ɔnɔ tɔna abɛ ɔkɔga tse kwu Ubɨnɔkpaabyi mu tɨma Izɨrɛl ɔkaga ɔyagbɨn ekpon. Abuwinnam pa Jisɔs atseden pɛ, aba atsera ejera nzo aba ateg otsekwɛ Jisɔs okem ilom ɔttara ko obo, aba ateg ifon ibɨng.
Nnwɛr otseden kwɛ, Luk sɛ no teg otse kwu Jisɔs, okew otse nwo iwang ittan:
Jisɔs utɨm eden ussi ɔtɔm pfɛ ga Galili, ɛrang ɛrang iseg kwi Izɨrɛl.
Kwɔ ttar, utitso osenga osenga kwuwur eden ɔta Jɛrusɛlɛm, ibe ndo olow anang pɛ tse kwe eden tsu Ubɨnɔkpaabyi nu utuma, ɔttara okpew Izɨrɛl ɛvaar tsu Ubɨnɔkpaabyi.
Ɔgba idɨg ittan, Luk oteg otsekwɛ ɔnang akpen pɛ ga Jɛrusɛlɛm ɔttara sɔ ɔshow ko obo abɛ ɔkaga abɛ ɛma wɔ ode Ɔvaar kwi Izɨrɛl ɔttara Ɔvaar ɔkka kwɔ ɔyagbɨn.