Dunuya bɛ ni Ala tantu
67
Jaburu beete do le ka min be donden beeti bɔɔlanu la kuntige bolo.
A ni bɔɔ anun kɔra la.
2 Ala mu hinnɛla mɔ la,
ka barikɛ sa mɔ la ko tɔ,
a ni a ɲakɔtɔ lahenti mɔ ye.
I sulen.
3 Awa,
dunuya mɔgɛnu ni i la kila lɔn,
see bɛ ni i la malakise lɔn.
4 Ee Ala,
bɔnsɛ bɛ ni i tantu!
bɔnsɛ bɛ labɛndeŋɛ ni i tantu!
5 Jamanɛ mɔgɛnu ni ɲagalin i la,
ka beeti bɔɛ ma sɛɛwa butɔ,
bayi i be see mɔgɛnu makiitila teleŋɛ le la,
i be seenu matelenna duge kunma.
I sulen.
6 Ee Ala,
bɔnsɛ bɛ ni i tantu!
bɔnsɛ bɛ labɛndeŋɛ ni i tantu!
7 Duge bata a tɔnɛ labɔɔ mɔ ye,
Ala,
mɔ Marige Ala be barikɛ sala mɔ la ko tɔ.
8 Iyon,
Ala be barikɛ sala mɔ la ko tɔ,
alako see bɛ ni kilan a la,
han dunuya daŋɛ tɔ.