Fìlèmónà i

Wárágà Pólò dré tɨsɨ̀le Fìlèmónà dré dhɨ

Wárágà kònɨ̀dhɨ nɨ tà àndu ngɨ̀le drìdrì dhɨ

Kònɨ̀dhɨ wárágà Pólò dré tɨsɨ̀le Fìlèmónà dré dhɨ ꞌɨ. Fìlèmónà nda tá móndɨ́ kàdrɨ̀ Yésu nɨ kaꞌìlepi, adrélépi Èkèlézyà Kòlòsáyɨ̀ àdhya na dhɨ ꞌɨ. Akódhɨ tá màrábà àlo rú be Ònèsímò dhɨ ɨ́be. Ònèsímò nda lapá tá Fìlèmónà drɨ́gásè lɨ̀le ru kisú Pólò be bǎdzó na. Dɨ Pólò dré akódhɨ nɨ togó asézó Yésu nɨ kaꞌì gò, dré kisùzoá dóro nɨ, ɨ́ dré akódhɨ nɨ logólé líyí nɨ véna dhɨ.

Pólò adré dɨ wárágà kònɨ̀dhɨ nɨ tɨsɨ̀ Fìlèmónà nɨ ti lizízó, kòtrìró áyɨ màrábà nda nɨ tàkonzɨ̀, akódhɨ nɨ kaꞌìzo dòle ngóró áyɨ adrúpi Krísto na dhɨ ró. Pólò adré lèá dhɨ, Fìlèmónà kòꞌo tà nda kònɨ̀nɨ ngóró tòlɨ́ bhàle ɨ́ dri dhɨ tɨ́nɨ ko, be ró dhɨ, ngóró dré lèle ꞌòle áyɨ lèle Krísto na dhɨ sè dhɨ tɨ́nɨ.

Tà kàdrɨ̀kàdrɨ̀ wárágà kònɨ̀dhɨ léna dhɨ kɨ atìma

Pólò nɨ mòdo fèma ( 1-3)

Pólò nɨ àwoyà fèma Fìlèmónà nɨ tà sè dhɨ ( 4-7)

Fìlèmónà nɨ ti lizima Ònèsímò nɨ tà sè dhɨ ( 8-22)

Pólò nɨ kúlí kùdù ( 23-25)