Pilemon i

Suraꞌna Hi Paulu To Nopokatu Pe Hi

Pilemon

Pampemolukaana lolita

Hi Paulu mopakatu suraꞌ hieꞌe pe halali hampepoꞌohina to nikokeneꞌi hi Pilemon to meꞌohaꞌ i kota Kolose. Hi Pilemon uwaꞌ hawiꞌne to nikokeneꞌi hi Onesimu. Hampiha hi Onesimu tiꞌo mehilai ka hi Pilemon nolou pe kota Roma. I tempo tiꞌo, hi Paulu nitarungkuꞌ alaꞌ pajamana mampowute Kareba Moromiꞌ. Hi Onesimu mampomehuaki hi Paulu i Roma, hei ikopahorinalu Kareba Moromiꞌ, io mepoꞌohi woꞌo pe Pueꞌ Yesu.

Mepongka itoꞌo, hi Paulu mampatiꞌiki hi Onesimu, notiꞌi, “Aginamo mahuliꞌko nolou pe tuamu.” Angkana hi Onesimu motehuꞌ mahuliꞌ nolou pe hi Pilemon, notiꞌi, “Ane mahuliꞌa intu hingkiꞌ nohukuꞌa alaꞌ mehilaiꞌa hampiha.” Notiꞌi hi Paulu, “Hawaꞌko hingkiꞌ nohuku, alaꞌ hingkiꞌ moꞌukiꞌa haꞌanu suraꞌ pe hi Pilemon. Hingkiꞌ kuperapiꞌ hingkeꞌna noꞌampuniko.” Mewaliꞌ, i lali suraꞌ hieꞌe, hi Paulu merapiꞌ hingkeꞌna hi Pilemon moꞌampuni hi Onesimu. Noperapiꞌ woꞌo hingkeꞌna io mantorimo huliꞌ hi Onesimu ka lalina mpololeke, hei hamboaꞌmo norekeꞌ hibali hawiꞌna hampiha, angkana norekeꞌmo hibali halali hampepoꞌohina.

I lali wiharo Yunani, konaꞌna hi Onesimu tiꞌo palaihana “Modumbuꞌ”. Notiꞌi hi Paulu, hampiha hi Onesimu hawaꞌi modumbuꞌ i tuana, angkana hinewowoꞌena, modumbuꞌmo mpololeke alaꞌ mepoꞌohimoꞌi pe Pueꞌ Yesu (lalana ka-11).