Daud Na'uli-nawedia Itmatromlawanni Makdenrer die onnila tulanni-sniayanni
138
Daud Nhiarni:
Matromlawnu ne!
A'uli-uwedi O'a de agodia ihru-ralmu mak kaploi-kaple'era.
La'pa adien ho'ola uplera-upmati gaini ho'mana awuahniar pa u'uli-uwedi niek O muemeha.
2 Awualtiora-wualtieman pa a'upal niana O rom gah waumuehemu Matroma!
U'uli-uwedi O nanmu,
yoma Mtiut rer niek sniayanmu mai a'u.
O' edon Muwlar dioinia nnio'omu.
Omhi' pa rira ra'uli-rawedi O nanmu la'pa lirmu-tunmu yoma O' ed mak kreh niana hya'-hya' honona.
3 La'pa aghaun tiy O' de,
Ompuahl olekwa
me Omurur niana a ralmu pa apuarani.
4 Matroma!
Hota la' ray-ray honona mai noha wawannu ra'uli-rawedi O'a,
yoma ir honona ratlin oleka hya' maka Mukot taru.
5 Matromlawnu ne!
Makdenreri O'a!
Hya' ed maka Mhi' nan de,
ed maka khi' ir pa rwahniar nohora O'a
yoma Omuemeha nanpena inponmu narehia hya'a-hya'a honona.
6 Orgahi-Orha'a Ndella gen tiutullu-lolo'oni mere edon Nolin limni-nwe'er rorni la riy maka klola yawa.
Mere la'pa riy maka kpo'ona-kraka re,
Orgahi-Orha'a Ndel oliet la' ira,
mere Nat niohora ir hihi'ini-yapyapni yatyatni-halalli.
7 La'awa lerni la alier la sniusa,
de O' ed maka khi' a pua a'g edonna wualer la a mormio'ru.
O' ed maka kora a' arwa'lu re miwenwenna
me Omual a' pua lier la mormiori-lewlewna yoma la' O plolmu-mnehemu.
8 Hare honona maka Omiwra Mhi' nana mai a'u,
de id mana edonna Mhuoratdoinia.
Matromlawnu ne!
Makdenreri O'a!
Omtiutga sniayanmu pa nodi liarni pede Matrome!
Yana Muolin doin a'u maka Mukoki-muyap niana di.