Riy mak kwak meman pa nawali owa'an la nohoni me Uplerlawna roma kreini totpena nkola tieru-nawur nehla owa'an la E'a
43
Muetlia a plollo'lu totpena riy rat niohora,
Uplerlawnu ne!
Muodnian a lia'a riy mak edon khu'ru-khelam la O'a re gaini ralamni.
Muolin doin a lia'a riy yatyat maka'ohpa-kalahara.
2 O' de Uplerlawan mak kruwun rer a'u.
Nihya'pa Omuolin limmu mai a'u?
Hya'a nrei pia alier nek la lului-nurnuhru
yoma arwa'lu re rutin rer a'u?!
3 Awuak pa lerlermu nhita-nrepra a ta'lu
me totpa Mukot nohora plollolmu
totpena a'uwali owa'an la' Sion la O wo'ormu mak kden la mounu-witanni de,
de la'a O rommu mak ha Mdiella.
4 Totpena alia ghortut niana O katri'anmu de
pa alia upal wut lia Uplerlawna O'a mak khi' a pua a ralmu nahepuepur reri.
Ne hota awuahniar de aniairia hitara-fiola,
totpena gala u'uli-uwedia O'a
maka a'ukola tieru-kawur nehla de.
5 Nihya'pa a ralmu ndenrer lia lui-nuhru pa yanina-yamat onna?
La' samomuounu de a arnu nahnia'ar to'ola'a a Uplerlawnu.
Yoma hota E ed mak kamori-kalewn a'u
pa a'u'uli-uwedi owa'ana E'a.