ཡུ༌དཱའེ༌ ཆོགས༌ནེ༌ ཆག༌བྲིས༌།
ཡུ༌དཱའེ༌ ཆག༌བྲིས༌སི༌ སྐོར༌།
འི༌ ཆག༌བྲིས༌ བྲིའ༌ ཛད༌ཁན༌ནི༌,
ཁོ༌རང༌ ཡ༌ཀོབ༌ ༼ཀ༌བོ༌ ཡེ༌རུ༌ཤ༌ལེམ༌མི༌ ཆོས༌ཚོགས༌སི༌ འུ༌སྐྱོང༌ ཨིན༌པིན༌༽ ཁོའེ༌ ནོ༌ དང༌ ཡེ༌ཤུའི༌ ཞབས༌ཏོག༌པ༌ ཨིན༌ ཟེར༌དུག༌།
ཆོས༌སི༌ ནང༌ང༌ ཁས༌པ༌ མང༌པོའེ༌ འི༌ ཡུ༌དཱ༌ ནི༌ ཡེ༌ཤུའི༌ ནོ༌ ཨིན༌ནོག༌ ཟེར༌ར༌ནོག༌,
༼ཀ༌བོ༌ མད༌ཐཱའེ༌ 13:55 ཡང༌ མར༌ཀུས༌སི༌ 6:3 ནང༌ང༌ བྲིས༌ཏེ༌ ཡོད༌ཏེ༌ ཨིན༌ནོག༌།༽
ཁས༌པ༌གུན༌ནི༌ འི༌ ཆག༌བྲིས༌པོ༌ ཡེ༌ཤུའི༌ སྐུ༌ཚབས༌གུན༌ སོན༌ཏེའ༌ ཡོད༌དི༌ ཏུས༌,
ཀ༌བོ༌ ཡེ༌ཤུ༌ ཀྲོངས༌ཏེ༌ སོན༌ཏེའ༌ ཞངས༌ཏེ༌ སྟིང༌ནེ༌,
ལོ༌ 33-47 ནི༌ པར༌ལ༌ བྲིའ༌ ཛད༌ཏེ༌ ཨིན༌ནོག༌ ཟེར༌ར༌ནོག༌།
ཡུ༌དཱའེ༌ འི༌ ཆག༌བྲིས༌ བྲི༌ཅེས༌སི༌ གྱུན༌ཚན༌བོ༌ ཏད༌པ༌ཅན༌གུན༌ལ༌ ཟུས༌མའེ༌ ལོབ༌བོན༌ དང༌ ཁོང༌ གུན༌ནི༌ ལབ༌ཞ༌གུན༌ནེ༌ སྤང༌པུད༌ཅེས༌ དང༌ སྔུན༌ལ༌ ཏད༌པ༌ ཕངས༌ཁན༌གུན༌ལ༌ ཆད༌པ༌ ཕོག༌ཁན༌གུན༌ ཨིད༌ཏུ༌ སྐུལ༌ཅེས༌པོ༌ ཨིན༌པིན༌།
ཁོང༌ངི༌ འི༌ ཆག༌བྲིས༌ སིལ༌ཁན༌གུན༌ལ༌ མི༌གུན༌ མ༌ཤི༌ཀའེ༌ ཏད༌པའེ༌ ནང༌ང༌ ཁྱོང༌ཅེས༌པོ༌ ཁག༌ཅན༌,
ཡང༌ དཀོན༌མཆོག༌གི༌ སྐྱོབ༌བ༌ ཛད༌ཅེས༌པོ༌,
ཁོང༌གུན༌ལ༌ ཨིད༌ཏུ༌ སྐུལ༌ཅེས༌སི༌ དོད༌པ༌ ཉམ༌པོ༌ བྲིའ༌ ཛདས༌།