ཕི༌ལི༌པི༌པ༌ 4

ཏེན༌ན༌བོའེ༌ཕིའ༌ སྤུན༌གུན༌, ངའེ༌ ཅམས༌པ༌ ཅོ༌ཁན༌ དང༌ ཐུག༌ཅེས༌ལ༌ ངའ༌ རིངས༌ཨིན༌ ཡོད༌, ཁྱོ༌ཞའ༌ ངའེ༌ སྐྱིད༌པོ༌ དང༌ ཐོར༌ཤོག༌ ཨིན༌། ངའེ༌ ཅེས༌པའེ༌ ཛ༌འོ༌གུན༌ གཙོ༌བོ༌ ཡེ༌ཤུའི༌ ནང༌ང༌ སྟན༌པོ༌ དུག༌ཤིག༌།

སྤོས༌པའེ༌ སྤེ༌ར༌གུན༌།

4:2-9

2 ངའེ༌ སྤུན༌མོ༌ ཨིའུ༌འོ༌དིའ༌ དང༌ སིན༌ཏི༌ཀེ༌, ཁྱོ༌ཞའ༌ ཉིས༌ཀོའེ༌ ནང༌ང༌ མི༌གྲིག༌ཅེས༌ ཡོད༌ཁན༌གུན༌ མེད༌ཁན༌ ཅོས༌ཏེ༌ ཇུ༌ཇུ༌ ཐུན༌ཤིག༌, ཅིའ༌ཟེར༌ན༌ ཁྱོ༌ཞ༌གུན༌ གཙོ༌བོའེ༌ ཨིན༌ནོག༌། 3 ཡང༌ ངའེ༌ ཨིད༌ཤེས༌ཅན༌ ཕྲོ༌པ༌ ཁྱོ༌རང༌ངི༌, ཏེ༌ བུ༌མོ༌ ཉིས༌ཀ༌ ཐུན༌ཅུག༌ཅེས༌སི༌ ནང༌ང༌ རོགས༌ ཅོས༌། ཁོང༌གུན༌ནི༌ ང༌ ཉམ༌པོ༌ ཡེ༌ཤུ༌ མ༌ཤི༌ཀའེ༌ གའ༌མོའེ༌ ནས༌ཚུལ༌ ཤད༌ཅེས༌སི༌ ནང༌ང༌ སྲན༌ཏྲེ༌ རྩོན༌གྲུས༌ ཅོས༌, ཡང༌ ཀེལེ༌མེནཏ༌ དང༌ ངའེ༌ ཞན༌ ཕྲོ༌པ༌ གུན༌ ཉམ༌པོའང༌ ལས༌ ཅོས༌ཏེ༌ ཨིན༌པིན༌, ཀ༌གུན༌ནི༌ མིང༌ མི༌ཚེའེ༌ སྤེ༌ཆའེ༌ ནང༌ང༌ དཀོན༌མཆོག༌གི༌ བྲིའ༌ ཛད༌ཏེ༌ ཨིན༌ནོག༌།

4 གཙོ༌བོ༌ ཡེ༌ཤུའི༌ ནང༌ང༌ ཏུས༌གྱུན༌ ཐད༌པོ༌ དུག༌ཤིག༌། ངའེ༌ ཡང༌སྐྱར༌ ཟེར༌རད༌ ཐད༌པོ༌ དུག༌ཤིག༌། 5 ཁྱོ༌ཞའ༌ པས༌མོ༌ ཨིན༌ཁན༌བོ༌ ཁྱོ༌ཞའེ༌ སྕོད༌པ༌ གྱུད༌ཏེ༌ ཚང༌མ༌ལ༌ ཐོང༌ཅུག༌ཤིག༌། རྗེད༌ མ༌རྗེད༌, གཙོ༌བོ༌ གྱོགས༌པ༌ ལོགས༌ཏེ༌ ཕེབས༌ས༌ ཛད༌ཨིན༌།

6 ཅི༌ཞིག༌གི༌ ཕིའང༌ ཚེར༌ མ༌ཚེར༌ཤིག༌, ཨིན༌ནའང༌ ནས༌ལུག༌ ཚང༌མའེ༌ ནང༌ང༌ དཀོན༌མཆོག༌ག༌ མོས༌ལམ༌ ཕུལ༌ཨིན༌ ཁྱོ༌ཞ༌གུན༌ནི༌ སྒོས༌དོམ༌གུན༌ སལ༌ཅེས༌ལ༌ ཞུ༌ཝ༌ ཕུལ༌ ཟ༌ནེ༌ ཐུག༌རྗེ༌ཆེ༌ ཞུ༌ཤིག༌། 7 ཏེ༌ནེ༌ ང༌དང༌གུན༌ལ༌ དཀོན༌མཆོག༌གི༌ ཞི༌དེ༌ ཐོབ༌ཨིན༌, ཀ༌བོ༌ ང༌དང༌གུན༌ནི༌ ཧ༌གོ༌ནེ༌ ཐལ༌ཏེ༌ ཡོད༌, ཡང༌ མ༌ཤི༌ཀ༌ ཡེ༌ཤུའི༌ ནང༌ང༌ ཁོང༌ངི༌ ཞི༌དེའེ༌, ཁྱོ༌ཞའེ༌ སྙིང༌ དང༌ སེམས༌ གུན༌ སྐྱོབས༌ཏེ༌ བོར༌ར༌ ཛད༌ཨིན༌།

8 སྟིང༌ཇུག༌ག༌, སྤུན༌གུན༌, དེན༌བ༌ ཨིན༌ཁན༌, རྩི༌ཝའེ༌ འོས༌པ༌, ཀྲང༌པོ༌ ཅོ༌ཁན༌, རྩང༌མ༌, ཅེས༌པ༌ཅན༌, སྟོད༌པའེ༌ འོས༌པ༌ཅན༌ ཡ༌ ཏེ༌གུན༌ནི༌ སང༌ མང༌ང༌ ཀྲག༌པོ༌ དང༌ སྟོད༌པའེ༌ འོས༌པ༌ ཐོབ༌ཅེས༌ཅན༌ གུན༌ནི༌ཀ༌ ཁྱོ༌ཞའེ༌ སམ༌བ༌བོ༌ སྟན༌པོ༌ བོར༌ཤིག༌། 9 ཁྱོ༌ཞ༌གུན༌ནི༌ ངའེ༌ ཀ༌ནེ༌ ལོབས༌ཁན༌, ཡ༌ ཐོབ༌ཁན༌, ཡ༌ ཚོར༌ཁན༌, ཡ༌ ངའེ༌ ཅོའ༌ལ༌ ཐོང༌ཁན༌གུན༌ ལག༌ལེན༌ནི༌ ནང༌ང༌ ཁྱོང༌ཤིག༌, ཏེ༌ནེ༌ ཞི༌དེ༌ དཀོན༌མཆོག༌ ཁྱོ༌ཞ༌གུན༌ ཉམ༌པོ༌ ཞུགས༌ཨིན༌།

པ༌འུ༌ལུའི༌ ཁོང༌གུན༌ནི༌ སྐྱེས༌པོའ༌ ཐུག༌རྗེ༌ཆེ༌ ཞུས༌།

4:10-20

10 ཏ༌ སྟིང༌ཇུག༌ག༌ ཁྱོ༌ཞ༌གུན༌ནི༌ ངའེ༌ ཕིའ༌ ཡང༌སྐྱར༌ སྣང༌ང༌ ཏངས༌ པ༌སང༌, ངའེ༌ གཙོ༌བོ༌ མ༌ཤི༌ཀ༌ སྟོད༌པ༌ ཕུལ༌ལད༌། ཏན༌ཏན༌ལ༌ ཁྱོ༌ཞ༌གུན༌ནི༌ ཏུས༌གྱུན༌ ངའེ༌ ཕིའ༌ ཚེར༌ཁ༌ ཅོའད༌པིན༌, ཨིན༌ནའང༌ ང༌ རོགས༌ ཅོ༌ཅེས༌སི༌ སྐབས༌ ཁྱོ༌ཞ༌གུན༌ལ༌ མ༌ཐོབ༌བ༌ ཨིན༌ནོག༌། 11 ངའེ༌ ཏེ༌བོ༌ ངའ༌ སྒོས༌དོམ༌ ཡོད༌ པ༌སང༌ ཟེར༌ར༌མེད༌། ང༌ ནས༌ལུག༌ ཚང༌མའེ༌ ནང༌ང༌ ཚིམས༌ཏེ༌ སྐྱིད༌པོ༌ དུག༌ཅེས༌པོ༌ ཧ༌གོ༌ཏེ༌ ཨིན༌། 12 སྒོས༌དོམ༌མི༌ ནང༌ང༌ ཡ༌ མངས༌ཏེའང༌ ཡོད༌ཅེས༌པོ༌, ཀ༌ཟུག༌ཤིག༌ ཡོང༌ཅེན༌ ང༌ གྱུས༌ཡོད༌, ཡང༌ ནས༌ལུག༌ ཚང༌མའེ༌ ནང༌ང༌ སྐྱིད༌པོ༌ ཉམ༌པོ༌ དུག༌ཅེས༌སི༌ ཐབས༌པོ༌ ངའ༌ ཧ༌གོ༌ཏེ༌ ཡོད༌, ཡང༌ན༌ ང༌ ཟ༌གྱུ༌ མང༌པོ༌ ཡོད༌གྲོ༌ ཡ༌ སྟོག༌རིའ༌, ངའ༌ མ༌ མང༌པོ༌ ཡོད༌གྲོ༌ ཡ༌ སྒོས༌དོམ༌མི༌ ནང༌ང༌། 13 མ༌ཤི༌ཀའེ༌ ང༌ ཤེད༌ སལ༌ཅེས༌པོའེ༌ ང༌ ནས༌ལུག༌ ཀ༌ཟུག༌ཤིག༌ ཨིན༌ནའང༌ ཁུར༌ ཐུབ༌བད༌། 14 ཏེ༌ནེའང༌ ངའེ༌ རྡུག༌ངལ༌གུན༌ནི༌ ནང༌ང༌ ཐུས༌ཏེ༌ ང༌ རོགས༌ ཅོ༌ཅེས༌པོ༌ ཁྱོ༌ཞའེ༌ ང༌ ཐུག༌རྗེ༌ ཛད༌ཏེ༌ ཨིན༌ནོག༌།

15 ཕི༌ལི༌པི༌ ཆོས༌ཚོགས༌ ཁྱོ༌ཞའ༌ གྱུས༌ཨིན༌ནོག༌, ངའེ༌ གོ༌མ༌རང༌ ཁྱོ༌ཞའ༌ གའ༌མོའེ༌ ནས༌ཚུལ༌ ཁྱོངས༌ཏེ༌, མ༌ཀེ༌དོ༌ནི༌ཡཱའེ༌ ཡུལ༌ནེ༌ ང༌ ཆའ༌ ཟ༌ནེ༌, ཁྱོ༌ཞའ༌ མན༌པ༌ ཡང༌ སུ༌ ཆོས༌ཚོགས༌ཤིག༌གའང༌ ངའེ༌ སྒོས༌དོམ༌མི༌ ནང༌ང༌ རོགས༌ མ༌ཅོས༌། 16 ཡང༌ ང༌ ཐེ༌ས༌ལོ༌ནི༌ཀའེ༌ གྱལ༌སའེ༌ ནང༌ང༌ སྒོས༌དོམ༌ ཡོད༌ ཟ༌ནེའང༌, ཁྱོ༌ཞ༌གུན༌ནི༌ ང༌ ལན༌ མང༌པོ༌ སྐྱེས༌ ཀལས༌། 17 ངའེ༌ ཏེ༌བོ༌ ཁྱོ༌ཞ༌གུན༌ནི༌ ངའ༌ སྐྱེས༌ ཀལ༌ཏེ༌ ལེབ༌ཅེས༌སི༌ ཕིའ༌ ཟེར༌ཏེ༌ མན༌ ཨིན༌ནའང༌ དཀོན༌མཆོག༌གི༌ ཁྱོ༌ཞའ༌ སལ༌ཅེས༌སི༌ སོལ༌རས༌པོའེ༌ཀ༌ ནན༌ཏེ༌ སལ༌ལ༌ ཛད༌ཅེས༌ལ༌ ཟེར༌རད༌།

18 སྤུན༌ ཨེ༌པ༌ཕོ༌རོ༌གྲི༌ཀྲུས༌ ཉམ༌པོ༌ ཁྱོ༌ཞའེ༌ ངའ༌ ཀལ༌ཁན༌ནི༌ སྐྱེས༌གུན༌ ངའེ༌ སྒོས༌དོམ༌མི༌ སང༌ མང༌ང༌ དུག༌པིན༌, ཏ༌ ང༌ ཡང༌ ཅའང༌ སྒོས༌དོམ༌ མེད༌། ཏེ༌གུན༌ ནི༌ ཏྲི༌ཞིམ༌ཅན༌ནི༌ ཆོད༌པ༌, དཀོན༌མཆོག༌ ཐུགས༌ཐད༌ཁན༌ དང༌ འོས༌པ༌ ཨིན༌ནོག༌། 19 ཡང༌ ངའེ༌ དཀོན༌མཆོག༌གི༌ མ༌ཤི༌ཀ༌ ཡེ༌ཤུ༌ གྱུད༌ཏེ༌ ཁོང༌རང༌ངི༌ ཟིར༌རྗིད༌དི༌ བང༌ཛོད༌ནེ༌ ཁྱོ༌ཞ༌གུན༌ལ༌ སྒོས༌དོམ༌ ཡོད༌ཁན༌ ཚང༌མ༌ སལ༌ལ༌ ཛད༌ཨིན༌།

20 ང༌དང༌ངི༌ དཀོན༌མཆོག༌ དང༌ ཡབ༌བ༌ ཏུས༌གྱུན༌ནེ༌གྱུན༌ སྤལ༌ ཐོབ༌ཤིག༌, ཨ༌མེན༌།

སྟིང༌ཇུག༌གི༌ ཇུ༌།

4:21-23

21 ཡེ༌ཤུ༌ མ༌ཤི༌ཀའེ༌ ནང༌ང༌ ཏད༌པ༌ ཡོད༌ཁན༌ནི༌ མི༌ ཏམ༌པ༌གུན༌ལ༌ ཇུ༌ ཞུས༌, ཡང༌ ང༌ ཉམ༌པོ༌ ཡོད༌ཁན༌ནི༌ སྤུན༌གུན༌ནིའང༌ ཁྱོ༌ཞ༌གུན༌ལ༌ ཇུ༌ ཞུ༌རུག༌། 22 འི༌རུ༌ ཡོད༌ཁན༌ནི༌ ཞན༌ཡང༌ མི༌ ཏམ༌པ༌, མིག༌སལ༌ལི༌ རོམ༌མི༌ གྱལ༌པོའེ༌ ཁར༌རི༌ ནང༌ང༌ ལས༌ ཅོ༌ཁན༌གུན༌ནིའང༌, ཁྱོ༌ཞ༌གུན༌ལ༌ ཇུ༌ ཞུ༌རུག༌།

23 གཙོ༌བོ༌ ཡེ༌ཤུ༌ མ༌ཤི༌ཀའེ༌ ཐུག༌རྗེ༌ ཁྱོ༌ཞ༌གུན༌ནི༌ སེམས༌ ཉམ༌པོ༌ ཞུགས༌ཤིག༌, ཨ༌མེན༌།