ພຣະເຈົ້າຊົງມີແຜນການທີ່ຈະປະທານພຣະເມຊີອາລົງມາຕັ້ງແຕ່ຕົ້ນເດີມແລ້ວ. ຄຳສັນຍາຄັ້ງທຳອິດຂອງການສະເດັດມາຂອງພຣະເມຊີອານັ້ນແມ່ນໄດ້ໃຫ້ໄວ້ກັບອາດາມແລະເອວາ. ພຣະເຈົ້າສັນຍາວ່າຈະຊົງໃຫ້ເຊື້ອສາຍຂອງຜູ້ຍິງຢຽບຫົວງູໃຫ້ມຸ່ນ. ງຸທີ່ລໍ້ລວງເອວານັ້ນແມ່ນ ຊາຕານ. ຄຳສັນຍານັ້ນ ໝາຍຄວາມວ່າ ພຣະເມຊີອາຈະມາປາບຊາຕານໃຫ້ສິ້ນໄປ.

ພຣະເຈົ້າຊົງສັນຍາກັບໂມເຊວ່າ ໃນວັນຂ້າງໜ້າພຣະອົງຈະຊົງຍົກຜູ້ປະກາດພຣະຄຳທີ່ຍິ່ງໃຫຍ່ເໝືອນກັບໂມເຊຂຶ້ນ. ນີ້ແມ່ນອີກຄຳສັນຍາໜຶ່ງທີ່ເວົ້າເຖິງພຣະເມຊີອາຜູ້ທີ່ຈະສະເດັດມາພາຍຫຼັງ..