ຫຼາຍຕໍ່ຫຼາຍຄັ້ງທີ່ປະຊາຊົນບໍ່ຍອມເຊື່ອຟັງພຣະເຈົ້າ. ພວກເຂົາເຮັດສິ່ງທີ່ບໍ່ດີຕໍ່ບັນດາຜູ້ປະກາດພຣະຄຳ ແລະ ບາງຄັ້ງກໍເຖິງຂັ້ນຂ້າພວກເຂົາ. ມີຄັ້ງໜຶ່ງ, ຜູ້ປະກາດພຣະຄຳເຢເຣມີຢາຖືກໂຍນລົງໄປໃນນ້ຳສ້າງແລະປ່ອຍໃຫ້ຕາຍ. ລາວຈົມລົງໄປໃນຂີ້ຕົມກົ້ນນ້ຳສ້າງ ແຕ່ກະສັດຍັງມີຄວາມເມດຕາ ຈຶ່ງໄດ້ສັ່ງໃຫ້ຄົນຮັບໃຊ້ດຶງເອົາເຢເຣມີຢາຂຶ້ນມາຈາກນ້ຳສ້າງກ່ອນທີ່ລາວຈະຕາຍ.