Barʉ́wa ya
Yʉ́ʉda
Mʉlongooryo
Barʉ́wa ɨhɨ, yaandɨkwa nɨ Yʉ́ʉda mwaanaavo na Yaakúupu (1). Na vamanyi vaséaa yaandɨkwa kati ya myaaka ya 65-70 keende Kirisitʉ ˆavyaalwa. Yʉ́ʉda na Yaakúupu nɨ vaanaavo na Yéesu vajáa (Matáayo 13:55; Maáriki 6:3). Yʉ́ʉda aandɨka masáare aya kwa vaantʉ voosi ˆvamuruma Yéesu.
Yʉ́ʉda oonekya kɨɨntʉ ˆasaakáa aandɨke lwa ncholo nɨ ʉlamuriri (3). Maa kaa, avarindʉla mʉryʉʉngʉ waachwe akaandɨka masáare yo vadalavya vaantʉ ˆvarɨɨngɨrɨráa kwa vaantʉ ˆvamuruma Yéesu, de vandoovalongowera masáare ya nduwo ya Mʉlʉʉngʉ. Yʉ́ʉda avawyɨɨra vaantʉ ˆvamuruma Yéesu valaange neeja karɨ vakumuririwe tʉkʉ nɨ avo vakiindya va ʉloongo (17-21). Vakiindya avo vavakiindyáa vavalandʉle nduwo ya Mʉlʉʉngʉ sa ɨvarʉmɨre vatuube kiikala ja kúri (4). Kei vamusiitáa Yéesu ja Mweenevyoosi na baa vahɨɨntɨkɨra mirimʉ ya kurumwii (8-10). Barʉ́wa ɨhɨ yavawyɨɨra vaantʉ ˆvamuruma Yéesu vakasane kʉkwaatya kumwiilaangya kwaavo Yéesu na vatuube tamanya na mbere (20-21).