याकॊब तइरकासी चिठी
चिन्हा परछा
ई चिठी येसु मसीसी भईस याकॊबस ती ईस्वी 45-50 ही मझी ता बेड़ा नू लिख्रकी र'ओ दने। याकॊबस येरुसलॆम ता कलीसिया ही ओन्टा मुद्धस रहचस। ई चिठी यहूदी धरम ती मसी आलर मंजका आलर गे लिखतारा। येसुसी सिखाब'अना गुट्ठिन ईद ईद'ई। नलखन मल ऎदना पत्त'अना ती एन्द्रा हूँ फयदा मल्ला एन्ने याकॊबस ब'अदस। ईस कैनो गोटंग पत्त नू मसी आलर गे सुरता नन्दस अरा चेताब'अदस। एकासे का फुलई मन्ना, बिढ़्रना, कोहाँ चिबाख़ारना, मलदौ मने नन्ना, सहना, मोठई मन्ना, नन्नर मइय्याँ बदी नन्ना, ततख़ा ही नलख, भितरी-बहरी अरा दौ उज्जना ओक्कना उर्मी पत्त नू बड़ियर लगे लिखदस।
सरियाचका पंडी
मोंजरा 1:1
मसी उज्जना 1:2-18
मेन्ना अरा नन्ना 1:19-27
मलदौ नन्ना ही पत्त नू चेताब'अना 2:1-3:18
मसी उज्जना अरा ख़ॆख़ेल ता उज्जना 4:1-5:6
नेम्हा आलर ही असरा 5:7-20