थेस्सलोनिकॆ कलीसिया गे तइरका पौलुसी पहिल चिठी
चिन्हा परछा
ई चिठी थेस्सलोनिकॆ नगरे ता कलीसिया गे पौलुस तइरकस ती ईस्वी 50-51 ही मझी नू लिख्रकी र'ओ दने। कोरिन्थ नगरे नू रहचस ख़ने आस इदिन लिखचस। पौलुस दोसर खेप ता दौ कत्था तेंगना ही डहरे ऎकना नू केरकाचस। असन सस्ती सारना मंजा ख़ने आस थेस्सलोनिकॆ नगरे ती किर्रिम बिच्चियस। थेस्सलोनिकॆ कलीसिया ता पत्त'ऊ आलर तम्है सस्ती ही बेड़ा नू हूँ पत्त'अना नू बड़ियर र'अनर अदिन तीमोथियुस ती अक्खस। उर्बस नू पुना पत्त'ऊ आलारिन रिझाब'आ गे अरा सलहा चि'आ गे पौलुस ई चिठिन लिखदस।
सरियाचका पंडी
मोंजरा 1:1
धन्यावाद अरा ओहमा 1:2-3:13
धर्मेसिन रिझ नन्ना ही उज्जना 4:1-12
उज्जा चो'अना ही असरा 4:13-5:11
छेद्दे ता सलहा 5:12-22
छेद्दे ता मोंजरा 5:23-28