17
येसुसी ऎथ्रना बदलारना
1 छे उल्ला ही ख़ॊख़ा येसुस पतरस अरा याकॊब अरा आसी भइय्योस यॊहनसिन तंग्है गने ओन्टा मेच्छा परता मइय्याँ होच्चस।† 2 आ बारी आर ही मुन्दहारे आसी ऎथ्रना बदलारा केरा। आसी मुंही बीड़ी लेक्खा बिल्चिया अरा आसी किचरी नगदे कोड़हे पंडरु बिल्ली लेक्खा मंजा केरा। 3 अरा ऎरा, लॆम धर्मेसी कत्था तिंगुर मूसस अरा एलियस येसुस गने कछनख्रनुम ऎथ्रर।
4 पतरस येसुसिन बाचस, “अना उर्बायो! नाम इसन र'अदत आद दौ हवे। निंग्हा मने र'ई होले ऎन इसन तीन गोटंग कुम्बा कम'ओन, ओन्टा निंगा, ओन्टा मूसस गे, ओन्टा एलियस गे।” 5 अरा एन्ने ब'अम लगियस का ओन्टा बिल्चना बदाली आरिन कुल्लिया चिच्चा। अरा बदाली ती धर्मे बबस अबड़ा चेलारिन बाचस, “ईस एंग्है चोन्हा ख़द्दस, ईस ती ऎन नगदे रिझ्रदन, ईसहीन मेना।”† 6 चेलर मेंजर ती मुंही पाब खत्तरर अरा नगदे कोड़हे इल्चियर केरर। 7 लिकिन येसुस हेद्दे केरस ती आरिन ऎसड़स ती बाचस, “चो'आ, अमा एल्चा।” 8 ख़ने आर मॆन ईरयर अरा येसुसिन अम्बरकी नॆकन हूँ मल ईरयर।
9 फेन आर परता ती एत्तालियर, आ बारी येसुस आरिन आनियस का, “मनवा ख़द्दन ऎन केचका ती उज्जा चो'अना गूटी, नीम एन्द्रा ईरकर अदिन नॆकन हूँ अमके तेंगा।” 10 अरा चेलर आसिन मेंजर, “ख़ने एन्देरगे नॆग सिखाब'उर ब'अनर का, मसीसी ख़ॆख़ेल नू बरना ती मुन्द एलियस गे अउरिम बरना र'ई?”†
11 येसुस आनाकिर्ताचस, “एलियस बर'ओस दिम अरा उर्मिन सपड़'ओस। 12 लिकीन ऎन निमन ब'अदन, एलियस बरच ख़च्चिका र'अदस, अरा आसिन मल चिन्हचर। लिकिन एकासे आसिन नना बिद्दयर अन्नेम आसी गने नंजर। ई लेक्खम मनवा ख़द्दन ऎन हूँ आर ही ख़ेक्खा ती दुक्खे चॊद'ओन।”† 13 ख़ने चेलर ओर्खाचर का आस नमन यॊहन नूड़रत'उसी पत्त नू बाचकादस।
येसुस नाद धरचका ख़द्दासिन कोड़े नन्दस
14 एकाबारी येसुस अरा आसी चेलर गोंहड़ा गुसन अंड़सियर ख़ने, ओर्त आलस आसी गुसन बरचस ती मूकलिदरस, 15 अरा ब'आ हेलरस, “अना उर्बायो, एंग्दस मइय्याँ सोग्गे ऎरा। एन्देरगेका आस गे मिर्गी बर'ई अरा आस नगदे दुक्खे चॊद्दस, अरा घड़ी घड़ी चिच्ची नू अरा घड़ी घड़ी अम्मु नू खत्तरदस कादस 16 ऎन आसिन निंग्है चेलर गुसन ओन्द्रका रहचकन, लिकिन आर आसिन उजग'आ पोल्लर।”
17 येसुस आरिन आनाकिर्ताचस, “अना मल पत्त'ऊ अरा जिधा आलरो, ऎन एका गूटी निम्है गने र'ओन, एका गूटी निम्हैन सह'ओन, आसिन एंग्है गुसन ओन्द्र'आ” 18 ख़ने येसुस नादन केप्पस अरा आद आसी मइय्याँ ती उरखा केरा। अरा आ कुक्कोस आ बारिम कोड़े मंजस केरस।
19 तहाँ चेलर उछिन्द बेड़ा नू येसुस गुसन बरचर ती बाचर, “ऎम अदिन एन्देरगे ओथ्र'आ पोलकम।” 20 आस आरिन बाचस, \wj “निम्है पत्त'अना ही खंग्रना चड्डे, ऎन निमन मानिम ब'अदन का निम्है पत्त'अना मनी बिहनी लेक्खा हूँ र'ओ होले, ई परतन ब'आ ओंगोर का इसलेक कगरार'अय ती असन किर्रिमबि'अय, होले आद किर्रिमबि'ओ। अरा इन्द्रिइम कत्था निमा गे नना पोलना मल र'ओ।† [ 21 लिकिन ई जाती बिगर गोहरारना अरा बिगर उपास ही मल उरखी।”]\wj*
येसुस तंग्है खे'अना ही पत्त नू अउरिम ब'अना
22 इकला येसुसी चेलर गलिलेया नू रहचर ख़ने येसुस आरिन बाचस, “मनवा ख़द्दन ऎन आलर ही ख़ेक्खा नू धरतार'ओन कालोन। 23 अरा आर एंगन पिटा ख़च्चोर, लिकिन तीसर उल्ला उज्जा चो'ओन।” इदिन मेंजर ती आर नगदे हेन्दो मंजर।
धर्मेसी मन्दिर ही मालगुजारी चि'अना
24 इकला येसुस अरा आसी चेलर कफरनहूम अंड़सियर ख़ने धर्मेसी मन्दिर ता ऊज'उर पतरस गुसन बरचर ती मेंजर, “एन्देर निम्है गुरुस धर्मेसी मन्दिर ही मालगुजारी चि'अदस का मला?”† 25 आस बाचस, “हाँ, चि'अदस।” आस एड़पा बरचस, ख़ने येसुस आसी मेन्ना ती मुन्देम आसिन बाचस, “अना सिमॊन, नीन एन्देर सोचदय? ख़ॆख़ेल ता बॆलर मालगुजारी नॆखअय ती हो'अनर? तम्है ख़द्दर ती का नन्नर ती?” 26 पतरस बाचस, “नन्नर ती।” येसुस आरिन बाचस, “होले ख़द्दर अम्बरर केरर।a 27 अन्नु हूँ इदगेका नाम आरिन अम्बोत मूड़त'आ। औंगे नीन समुदर नू कला ती गरी बॆचा। अरा एका इंजो मुन्द बझर'ओ अदिन हो'आ। अदही बइय्यन चलख़'आ, निंगा ओन्टा ढिबा ख़क्ख्र'ओ। अदिनिम हो'आ ती एंग्हा अरा निंगा गे चि'अके उइय्के।”