¹ Abrahaamekofa Dawitekofa yelutta Yesuusi Kristosa yeluttey be gassona ha esako: ² Abrahaamey Yissaaqe yello, Yissaaqey Yayqoobe yello, Yayqoobey Yuudaara esindo na'axhitaara yello, ³ Yuuday Timaare gara Faresiyaara Zaarahiyara yello, Faresey Hexhrone yello, Hexhroney Raame yello, ⁴ Raamey Aminaadabe yello, Aminaadabey Na'asone yello, Na'asoney Salmoone yello, ⁵ Salmooney Raabe garafa Bo'aaze yello, Bo'aazey Ruute gara Yoobeede yello, Yoobeedey Isseye yello, ⁶ Isseyey kaati Dawite yello.

Dawitey Oriyo macho maaqichanni gara Salamone yello, ⁷ Salamoney Robe'ame yello, Robe'amey Abiya yello, Abiyay Asafine yello ⁸ Asafiney Yosafaxhe yello, Yosafaxhey Yoorame yello, Yooramey Ozziyane yello, ⁹ Ozziyaney Yo'atame yello, Yo'atamey Akaaze yello, Akaazey Hiziqiyase yello, ¹⁰ Hiziqiyasey Minaase yello, Minaasey Aamoone yello, Aamooney Yosiya yello, ¹¹ Yosiyay Yo'akiniyara esindo na'axhitaara yello. Ye beraaka Isra'eelaxiti di'utti dhaddi Babiloone u hando. ¹² Ye Babiloone di'utti u handosume e geede Yo'akiney Selatiya yello, Selatiyay Zerubabule yello, ¹³ Zerubabuley Abiyoda yello, Abiyoday Eliyaqime yello, Eliyaqimey Azoore yello, ¹⁴ Azoorey Sadoqe yello, Sadoqey Akime yello, Akimey Eliyuda yello, ¹⁵ Eliyuday Al'aazare yello, Al'aazarey Mataane yello, Mataaney Yayqoobe yello, ¹⁶ Yayqoobey Yoosefe yello. Yoosefeni Mesiheydi hiyutte Yesuusa yella Maarame adeko^a e maaqicha.

¹⁷ Yeydiwo Abrahaamiyafa Dawite aalloy tamma oyddi yelutte, Dawitiyafa Isra'eeley Babiloone di'utti u hando aalloy tamma oyddi yelutte, ye di'aafa Mesihe aalloy tamma oyddi yelutteydiko u maaqicha.

¹⁸ Yesuusi Kristosa yeluttey yeydiko e maaqicha. Esindo Maaramey Yoosefese aykuttesune e etto baanne Ayaana Geeshuna xhiiqussi iinne yeley i gara erutto. ¹⁹ Iso aytecha Yoosefey woga kakke gizo axe maaddhi iso axi buro adduse be wordo baa gisha aachiyaannawo dhabese e masso. ²⁰ Ye esa maxiya e yesune Wonto woosaxi afukkana esuse addeydi "Dawite yele Yoosefe! Neese aykuttecha Maaramey xhiiqusosi Ayaana Geeshukofa e maaqe gisha iso efese eezzofuna. ²¹ Na'uko i yele, esini be axita cubbowafa e maare gisha e sunxeni 'Yesuusa' hidi neyne" yeydi e hido.

²² Ha esi uddi maaqesi Wontoy be kaayaxuna

²⁴ Yoosefey gehunsaafa be birto geede Wonto woosaxi otonike beese aykuttecha Maarame e etto. ²⁵ Maaquwaye baaka ye yele i yeloro aallo isaara muto baasso. Yoosefeni ye yelutta xhahe sunxe "Yesuusa" yeydi e hido.