Yakobus i

Yakobus

Horok Lirna La'an

Man hi'i horok eniyeni, Yakobus. Ri man wakuku la rauroin Horok Lap enihe pene'ek nahenia Yakobus eni Makromod Yesus mo'onwalla man karuri (Mat. 13:55; Gal. 1:19). Yakobus eni namwali man panulu lolo Yerusalem nin kerei raramne (HN. 21:18; Gal. 2:9). Lere onne an hi'i horok eni aku laa Israel nin luhu-luhu idaweli woro'o man aiyedi noho wawan na'akeme me'e (1:1), maa Yakobus lirneni namwali lira man wa'an ri na'akeme lese haenihi.

Lolo horok eni, Yakobus konohi ika agame ma namlolo lolo Makromod Lalap kalarna (1:27). Ai na'aheni, “Lo'o ik ka'aheni ik akin naili'il Makromod Lalap, maa kak hi'i wewhe lernohi Nin honorok aki, onneni nin panaeku ik akin ka naili'il kokkoo, de kan min haida” (2:14-26). Horok eniyeni nin nounaku nammori aile man paku ika lolo iknik popono orereki akilere.

Horok Ihin

1. Yakobus nala wanakunu man hari horok eni (1:1).

2. Ai nala wanakunu ma na'onno akin ma namkene naili'il noro woroin ma nano wawan (1:2-8).

3. Ai nala wanakunu ma na'onno ma na'alehe naulinu noro man karu (1:9-11).

4. Ai nala wanakunu ma na'onno kenene panatal noro man ken patal (1:12-18).

5. An hopon ik derne kakani Makromod Lalap la hi'i wewhe Nin konomdere (1:19-27).

6. An hopon ika yon ka'ili kaloho ri (2:1-13).

7. Ai nala wanakunu ma na'onno ik akin ma naili'il noro iknik hini'i wenewhe man wa'an (2:14-26).

8. Ai nala wanakunu ma na'onno ri Kristen nuran wonohirn namal panaitne (3:1-18).

9. Ai nala wanakunu ma na'onno ri Kristen noro noho wawan (4:1-5:6).

10. Ai nala nounaku man horu (5:7-20).