Titus
Horok Lirna La'an
Titus ka namwali ri Yahudi, maa ai akin naili'iledi Yesus nalo'ol me'e. Ai onne, Paulus nin kallawali la nin man howok wali haenihi (2Kor. 8:23; Gal. 2:1-3). Paulus aku horok eni laa Titus lere Titus minle noho Krete.
Lolo horok eni Paulus nin panaeku ma na'onno hopon Titus leluwai makrana ri Kristen man minle noho Krete (1:5). Ai na'ori honorok Titus hini'i wenewhe man wa'an ri ma namwali kerei liman ein hi'iye (1:6-9).
An wakuku ai kalla man wa'an leke wakuku ri na'akeme man lernohi Yesus, mo'oni maeke ma na'ileher noro ma ka na'ileher. Ai nala ai wanakuku man paku ri ma namwali hophopon wahwahan leke hir mori wawa'an roro makromonhe (2:9-10). Hophopon onne nonolu eni rin weli leke hopon wahan. Enla an konohi ma namwali Kristen honoli wenewhe man wa'an (3:1-11).
Horok Ihin
3. Paulus nounaku kerei liman ein honoli man wa'an (1:5-9), la nou hi leke ramkene ra'okul ri man loikaru wanakuku ma ka namlolo (1:10-16).
4. Paulus wakuku ri ma namwali Kristen leke rir hini'i wenewhe lernohi wanakuku ma namloleni (2:1-15).
5. Paulus na'ori honorok kerei raramne leke derne rakani rir man panulu la hi'i ha man wa'an (3:1-8).
6. Paulus nala nounaku yon minwuku noro ri man wakuku panaeku ma naiye'er kerei raramne (3:9-11).
7. Paulus nala nou man horu noro tape masi (3:12-15).