Bage ɗiŋnedin mbo kan na o̰yom ya naa pal pet
3
1 Go̰r kaŋ mbe ma no go, mbi mbo kan mbi o̰yom ya naa pal pet.Aŋ vya ge sonmo ma ne ge zaab ma mbo jan fare anabi,
aŋ naa ge sabar ma kiya̰r ma mbo jan nama,
aŋ bool ma mbo kwar daalam ma me.
2 Dam mbe go dḛ, ko dore ma ne kale ma,
mbi mbo kan mbi o̰yom nama pal.
3 Mbi mbo ke kaŋ ŋgayya ma digi zi ya, ne suwar pal go,
swama, ne ol, ne ol-swama ndugiya ma.
4 Gyala mbo saŋge tṵ,
saba me mbo saŋge swama.
Dam ge Bage ɗiŋnedin ne ba ɗage mbo ya gale,
dam mbe mbo kat dam ge ɓaŋlaŋ ne ajab.
5 Ago, ndu ge daage pet ge ne mbo tol dḭl ge Bage ɗiŋnedin ne ya,
mbo má.
Naa a̰me ma mbo gá ne ndwara
ge njal Siyona go, ge Ursalima diŋ me.
Dimma ne Bage ɗiŋnedin ne jya̰ go:
Naa ge ndwara mbe ma, mbo kat naa ge Bage ɗiŋnedin ne tó nama.